ഹൈദരാബാദിൽ ലോറിയ്‌ക്ക് തീപിടിച്ചു; അപകടം ഇന്ധനം നിറയ്‌ക്കുന്നതിനിടെ; ഒഴിവായത് വൻ ദുരന്തം

ഹൈദരാബാദ്: ലോറിയിൽ ഇന്ധനം നിറയ്‌ക്കുന്നതിനിടെ തീപിടിച്ച് അപകടം.ഹൈദരാബാദിലാണ് ഞെട്ടിപ്പിക്കുന്ന സംഭവം നടന്നത്. കിഴക്കൻ ഗോദാവരി ജില്ലയിലാണ് സംഭവം നടന്നത്.

ദേശീയ പാതയിലെ ഇന്ത്യൻ ഓയിൽ പെട്രോൾ പമ്പിൽ നിന്ന് ഡീസൽ നിറയ്‌ക്കുന്നതിനിടെ ലോറിയുടെ എഞ്ചിനിൽ നിന്ന് തീപടർന്നു പിടിക്കുകയായിരുന്നു.

തീ ആളിക്കത്തിയതോടെ പമ്പിൽ ഉണ്ടായിരുന്ന ബാക്കി യാത്രക്കാർ കുതറിയോടി. തുടർന്ന് പമ്പ് ജീവനക്കാർ ചേർന്ന് തീ അണയ്‌ക്കാൻ ശ്രമിച്ചെങ്കിലും സാധിച്ചില്ല. ശേഷം ഫയർഫോഴ്‌സ് എത്തിയാണ് തീ നിയന്ത്രണ വിധേയമാക്കിയത്. പ്രദേശവാസികൾ വൻ ദുരന്തത്തിൽ നിന്നാണ് രക്ഷപ്പെട്ടത്. ശേഷം പോലീസെത്തി മേൽനടപടികൾ സ്വീകരിച്ചു.