സൈക്കിള്‍ സ്റ്റണ്ടിനിടെ 16-കാരന് ദാരുണാന്ത്യം; അപകടം വീടിന് അടുത്തുള്ള മതിലില്‍ ഇടിച്ച്; ദൃശ്യങ്ങൾ പുറത്ത്; സംഭവം മുംബൈയിൽ

മുംബൈ: സൈക്കിള്‍ സ്റ്റണ്ടിനിടെ അപകടം. അപകടത്തില്‍ കൗമാരക്കാരൻ മരിച്ചു. 16-കാരനായ നീരജ് യാദവ് ആണ് മരിച്ചത്. മുംബൈയിലാണ് സംഭവം നടന്നത്. കഴിഞ്ഞ തിങ്കളാഴ്ച ഘോഡ്ബന്ദര്‍ കോട്ടയ്ക്ക് സമീപമാണ് അപകടം നടന്നത്.

കുത്തനെയുള്ള ഇറക്കത്തിലൂടെ നീരജ് അതിവേഗം സൈക്കിള്‍ ഓടിക്കുന്നതിനിടെ നിയന്ത്രണം തെറ്റി വീടിന്റെ ഗേറ്റിനോട് ചേര്‍ന്നുള്ള മതിലില്‍ വന്ന് ഇടിക്കുകയായിരുന്നു.

അപകടത്തെ തുടര്‍ന്ന് സ്ഥലത്ത് കുഴഞ്ഞ് വീണ നീരജ് സംഭവ സ്ഥലത്ത് വെച്ച് തന്നെ മരിച്ചു. അപകടത്തിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്. സംഭവസ്ഥലത്ത് പോലീസെത്തി മേൽനടപടികൾ സ്വീകരിച്ചു.