സുഹൃത്തിനൊപ്പം പുലര്‍ച്ചെ പള്ളിയില്‍ പോയി വരവേ ആക്രമണം; സുഹൃത്തിനെ മര്‍ദ്ദിച്ചുവീഴ്ത്തിയ ശേഷം വിദ്യാര്‍ഥിനിയെ കുറ്റിക്കാട്ടിലേക്ക് വലിച്ചിഴച്ച് കൊണ്ടുപോയി ബലാല്‍സംഗം ചെയ്തു; ഞെട്ടിക്കുന്ന സംഭവം ചെന്നൈ അണ്ണാ സര്‍വ്വകലാശാല ക്യാമ്പസില്‍

ചെന്നൈ: ചെന്നൈ അണ്ണാ സര്‍വകലാശാല ക്യാമ്പസില്‍ വിദ്യാര്‍ത്ഥിനിയെ അതിക്രൂരമായി ബലാത്സംഗം ചെയ്തു. ഇന്ന് പുലര്‍ച്ചെയാണ് സംഭവം നടന്നത്. ഒപ്പമുണ്ടായിരുന്ന സീനിയര്‍ സുഹൃത്തിനെ മര്‍ദിച്ച് വീഴ്ത്തിയ ശേഷം രണ്ട് പേര്‍ ചേര്‍ന്ന് വിദ്യാര്‍ത്ഥിനിയെ കുറ്റിക്കാട്ടിലേക്ക് വലിച്ചിഴച്ച് ബലാത്സംഗം ചെയ്യുകയായിരുന്നു.

പള്ളിയില്‍ പോയി മടങ്ങിവരുകയായിരുന്നു പെണ്‍കുട്ടിയും സുഹൃത്തും. പെണ്‍കുട്ടിയുടെ പരാതിയില്‍ കോട്ടൂര്‍പുരം പൊലീസ് അന്വേഷണം ആരംഭിച്ചു. സര്‍വകലാശാലയിലെ രണ്ടാം വര്‍ഷ ബിരുദവിദ്യാര്‍ത്ഥിനിയാണ് കൂട്ടബലാത്സംഗത്തിനിരയായത്. ക്യാമ്പസിനുള്ളില്‍ വച്ച് അജ്ഞാതരായ രണ്ട് പേരാണ് പെണ്‍കുട്ടിയെ പീഡിപ്പിച്ചത്. ഇവര്‍ക്കായി തെരച്ചില്‍ ആരംഭിച്ചു. സിസിടിവി ഉള്‍പ്പെടെ പരിശോധിച്ച് വരികയാണ്.