ഡൽഹി: ഒരു ക്രൂരകൊലപാതകത്തിൽ ഞെട്ടിയിരിക്കുകയാണ് ഡൽഹി. ഏകദേശം നല്ല ഫോളോവേഴ്സ് ഉള്ള സോഷ്യൽ മീഡിയ താരമാണ് സോണിയ. ഈ പതിനെട്ടുകാരിയുടെ വലിയ ആഗ്രഹമായിരിന്നു സോഷ്യൽ മീഡിയ ഇൻഫ്ലുവൻസറാകുക എന്നുള്ളത്.

അതുവഴി പണം സമ്പാദിക്കാനുമായിരുന്നു അവളുടെ ലക്ഷ്യം. ഇടയ്ക്ക് അവളുടെ ജീവിതത്തിൽ ഭൂതം കയറി വന്നതോടെ കാര്യങ്ങളുടെ ഗതി മാറിയതാണ് സംഭവം.

സോണിയയുടെ ഇൻസ്റ്റഗ്രാം പേജിൽ കുറിച്ചിരിക്കുന്ന ഒരു വാചകമുണ്ട് 'ഐ ലവ് ഭൂത്' (ഞാൻ ഭൂതത്തെ ഇഷ്ടപ്പെടുന്നു). കാമുകൻ മുഹമ്മദ് സലീം എന്ന സഞ്ജുവിന്റെ സോണിയ വിളിച്ചിരുന്നതാണ് 'ഭൂത്' എന്ന്. പിന്നാലെ തലയ്ക്ക് പിടിച്ച പ്രേമത്തിനിടെ ഏഴു മാസം ഗർഭിണിയായ സോണിയയെ സലീമും രണ്ടു സുഹൃത്തുക്കളും ചേർന്നു കൊലപ്പെടുത്തുകയായിരുന്നു. ശേഷം പെൺകുട്ടിയെ കുഴിച്ചുമൂടി. വിവാഹം കഴിക്കണമെന്ന് ആവശ്യപ്പെട്ടതായിരുന്നു കൊലപാതകത്തിന്റെ കാരണം.

ഗർഭിണിയായ സോണിയയെ കാമുകനും സുഹൃത്തുക്കളും ചേർന്ന് കൊന്നു കുഴിച്ചുമൂടി. ഡൽഹിയിലാണ് ക്രൂര സംഭവങ്ങളുടെ തുടക്കം. നംഗ്ലോയ് സ്വദേശിനി സോണി (19) ആണ് കൊല്ലപ്പെട്ടത്. സോണിയുടെ കാമുകനായ സഞ്ജു എന്ന സലീം ആണ് കൊല നടത്തിയത്. ​ഗർഭിണിയായതിനു പിന്നാലെ വിവാഹം കഴിക്കാൻ സോണി നിർബന്ധിച്ചതാണ് കൊലപാതകത്തിലേക്ക് നയിച്ചത്.

സോണിയെ കാണാനില്ലെന്ന് പറഞ്ഞ് നേരെത്തെ വീട്ടുകാർ നൽകിയ പരാതിയുടെ അടിസ്ഥാനത്തിലായിരുന്നു അറസ്റ്റ്. സലീമുമായി സോണി ഏറെനാളായി അടുപ്പത്തിലായിരുന്നു. ​ഗർഭിണിയായതോടെ സോണി വിവാഹത്തിന് നിർബന്ധിച്ചു. പക്ഷെ സലീമിന് വിവാഹത്തിൽ ഒട്ടും താൽപ്പര്യമുണ്ടായിരുന്നില്ല. സോണിയോട് ഇടയ്ക്ക് ഗർഭഛിദ്രം നടത്താൻ ആവശ്യപ്പെട്ടു. ഇതിനെ ചൊല്ലിയുള്ള വാക്ക് തർക്കമാണ് ഒടുവിൽ കൊലപാതകത്തിൽ കലാശിച്ചതെന്ന് പോലീസ് പറഞ്ഞു.

കഴിഞ്ഞ തിങ്കളാഴ്ചയാണ് വീട്ടിൽനിന്നും സാധനങ്ങളുമെടുത്ത് സലീമിനെ കാണാൻ സോണി പോയത്. സലീമും രണ്ടു സുഹൃത്തുക്കളും ചേർന്ന് സോണിയെ ഹരിയാനയിലെ റോഹ്തക്കിലേക്ക് കൊണ്ടുപോയി. ഇവിടെ വച്ച് യുവതിയെ മൂവരും ചേർന്ന് കൊന്നു കുഴിച്ചുമൂടുകയായിരുന്നു. സലീമിനൊപ്പം ഒരു സുഹൃത്തും പോലീസ് പിടിയിലായിട്ടുണ്ട്.

എന്നാൽ മറ്റൊരാൾക്കു വേണ്ടിയുള്ള തിരച്ചിൽ പോലീസ് ഊർജിതമാക്കി. സംഭവത്തിൽ കൂടുതൽ അന്വേഷണം നടക്കുന്നതായും പോലീസ് പറഞ്ഞു.

ഡൽഹികൊലപാതകം

മറുനാടൻ മലയാളി ബ്യൂറോ