നിങ്ങൾക്ക് കണ്ണ് കാണില്ലേ..; ഈ ബാത്ത്‍റൂമിന്റെ അവസ്ഥ നോക്ക്..സഹിക്കാൻ വയ്യാ..; ഞാൻ ആരോടെങ്കിലും മോശമായി പെരുമാറിയോ?; ടിക്കറ്റ് കാണിക്ക് എന്ന ടിടിഇ യുടെ ചോദ്യം; കലി കയറി യാത്രക്കാരിയുടെ അതിരുവിട്ട പ്രവർത്തി; പരിശോധനയിൽ അറിഞ്ഞത് മറ്റൊരു സത്യം
ട്രെയിനിൽ ടിക്കറ്റില്ലാതെ യാത്ര ചെയ്ത സ്ത്രീയും ഡ്യൂട്ടിയിലുണ്ടായിരുന്ന റെയിൽവേ ടിക്കറ്റ് എക്സാമിനറും (ടിടിഇ) തമ്മിലുണ്ടായ രൂക്ഷമായ വാക്കേറ്റത്തിന്റെ വീഡിയോ സാമൂഹ്യമാധ്യമങ്ങളിൽ വൈറലായി. ടിക്കറ്റ് ആവശ്യപ്പെട്ട ഉദ്യോഗസ്ഥനോട് സ്ത്രീ തട്ടിക്കയറുകയും മോശമായി പെരുമാറുകയും ചെയ്യുന്ന ദൃശ്യങ്ങളാണ് പ്രചരിക്കുന്നത്. ഈ സംഭവത്തിനെതിരെ വ്യാപകമായ വിമർശനമുയർന്നിട്ടുണ്ട്.
സോഷ്യൽ മീഡിയയിൽ പ്രചരിക്കുന്ന വീഡിയോയിൽ, ടിടിഇ ടിക്കറ്റ് ആവശ്യപ്പെട്ടപ്പോൾ സ്ത്രീ തർക്കിക്കുന്നതായി കാണാം. തന്നോട് മോശമായാണ് ഉദ്യോഗസ്ഥൻ പെരുമാറിയതെന്ന് ഇവർ ആരോപിച്ചു. "ടിക്കറ്റ് എവിടെ?" എന്ന് ടിടിഇ ചോദിച്ചപ്പോൾ, "നിങ്ങൾക്ക് കണ്ണ് കാണില്ലേ?" എന്നായിരുന്നു സ്ത്രീയുടെ മറുപടി. തുടർന്ന്, വിഷയത്തിൽ നിന്ന് ഒഴിഞ്ഞുമാറാനായി സ്ത്രീ ട്രെയിനിലെ ശുചിമുറിയുടെ അവസ്ഥയെക്കുറിച്ചും മറ്റ് വിഷയങ്ങളെക്കുറിച്ചും സംസാരിക്കാൻ തുടങ്ങി.
ഇതിനിടെ, ടിക്കറ്റില്ലാത്ത യാത്രക്കാരിയോട് മോശമായി പെരുമാറിയോ എന്ന് ടിടിഇ മറ്റ് യാത്രക്കാരോട് ചോദിക്കുന്നുണ്ട്. അപ്പോൾ, "ഇല്ല, താങ്കൾ താങ്കളുടെ ജോലി മാത്രമാണ് ചെയ്യുന്നത്" എന്ന് ഒരു യാത്രക്കാരി മറുപടി നൽകുന്നതും വീഡിയോയിൽ കേൾക്കാം.
"സ്ത്രീകളുടെ അവകാശങ്ങൾ ദുരുപയോഗം ചെയ്യരുത്" എന്ന് മറ്റൊരു യാത്രക്കാരൻ സ്ത്രീയെക്കുറിച്ച് പറയുന്നതും ദൃശ്യങ്ങളിൽ വ്യക്തമാണ്. ഏറെ നേരം നീണ്ടുനിന്ന തർക്കത്തിനൊടുവിലും സ്ത്രീക്ക് ടിക്കറ്റ് ഹാജരാക്കാനായില്ല. സ്റ്റേഷനിൽ എത്തിയപ്പോൾ ടിടിഇയെ തല്ലാൻ പോലും സ്ത്രീ ശ്രമിച്ചതായി റിപ്പോർട്ടുകളുണ്ട്.
ഈ വീഡിയോ അതിവേഗം സാമൂഹ്യമാധ്യമങ്ങളിൽ പ്രചരിക്കുകയും നിരവധി പേർ സ്ത്രീയുടെ പെരുമാറ്റത്തെ വിമർശിക്കുകയും ചെയ്തു. ടിക്കറ്റില്ലാതെ യാത്ര ചെയ്തതിനും ഉദ്യോഗസ്ഥനോട് മോശമായി പെരുമാറിയതിനും അവർക്കെതിരെ നടപടിയെടുക്കണമെന്ന ആവശ്യം ശക്തമായി ഉയർന്നിട്ടുണ്ട്.
സംഭവത്തിൽ റെയിൽവേ സേവയും പ്രതികരിച്ചു. ഇത്തരം പെരുമാറ്റങ്ങളെ റെയിൽവേ പ്രോത്സാഹിപ്പിക്കില്ലെന്ന് റെയിൽവേ സേവ അറിയിച്ചു. നിയമവിരുദ്ധമായ യാത്രകളും ജീവനക്കാരോടുള്ള മോശം പെരുമാറ്റവും അംഗീകരിക്കാനാവില്ലെന്നും അവർ കൂട്ടിച്ചേർത്തു. റെയിൽവേ നിയമങ്ങൾ ലംഘിക്കുന്നവർക്കെതിരെ കർശന നടപടികൾ ഉണ്ടാകുമെന്ന് അധികൃതർ വ്യക്തമാക്കി.
