പണം നല്‍കാതെ മദ്യക്കുപ്പിയുമായി ഇറങ്ങിയോടി; ബിവറേജ് ഔട്ട്‌ലെറ്റിലെ മാനേജരായ യുവതിയെ കയറി പിടിച്ചു; മദ്യലഹരിയില്‍ പൊലീസുകാരന്റെ അതിക്രമം; എ.ആര്‍ ക്യാമ്പിലെ ഡ്രൈവര്‍ അറസ്റ്റില്‍
കളമശ്ശേരി എ.ആര്‍ ക്യാമ്പിലെ ഡ്രൈവര്‍ കെ.കെ ഗോപി അറസ്റ്റില്‍
കൊച്ചി: ബിവറേജ് ഔട്ട്‌ലെറ്റില്‍ മദ്യലഹരിയില്‍ പൊലീസുകാരന്റെ അതിക്രമം. പണം നല്‍കാതെ മദ്യക്കുപ്പിയുമായി കടന്ന് കളയാന്‍ ശ്രമിക്കുന്നതിനിടെ ആയിരുന്നു അതിക്രമം. കളമശ്ശേരി എ.ആര്‍ ക്യാമ്പിലെ പൊലീസ് ഡ്രൈവര്‍ കെ.കെ ഗോപിയെ കുന്നത്തുനാട് പൊലീസ് അറസ്റ്റ് ചെയ്തു. പട്ടിമറ്റം ബിവറേജ് ഔട്ട്‌ലെറ്റില്‍ ആയിരുന്നു സംഭവം നടന്നത്. മാനേജരായ യുവതിയെ കയറി പിടിക്കുകയും പൊതുമുതല്‍ നശിപ്പിക്കുകയും ചെയ്തതിനാണ് പൊലീസുകാരനെതിരെ കേസെടുത്തിരിക്കുന്നത്.
ഞായറാഴ്ച രാവിലെ 10.45-ന് ആണ് സംഭവം നടന്നത്. മദ്യംവാങ്ങിയ ഇയാളോട് ക്യൂവില്‍നിന്ന് പണം നല്‍കണമെന്ന് ആവശ്യപ്പെട്ട ജീവനക്കാരിയോട് മോശമായി സംസാരിക്കുകയായിരുന്നു. തുടര്‍ന്ന് ഇയാള്‍ പണം നല്‍കാതെ കുപ്പിയുമായി പുറത്തേക്ക് ഓടാന്‍ ശ്രമിച്ചു. ഇതിനിടെ വാതില്‍ അടയ്ക്കാന്‍ ജീവനക്കാര്‍ ശ്രമിച്ചപ്പോള്‍ വാതില്‍ തകര്‍ത്താണ് ഇയാള്‍ പുറത്തേക്ക് ഓടിയത്. സംഭവത്തിന്റെ ദൃശ്യങ്ങള്‍ പുറത്തുവന്നു
പുറത്തിറങ്ങിയ ഇയാളെ ജീവനക്കാര്‍ പിടികൂടുകയും തിരികെ ഔട്ലറ്റിനുള്ളിലേയ്ക്കാക്കി ഷട്ടര്‍ ഇടുകയും ചെയ്തു. ഇയാളെ പിടികൂടാനുള്ള ശ്രമത്തിനിടയില്‍ ജീവനക്കാര്‍ നിലത്തുവീണു. പിന്നീട് ബെവ്‌കോയുടെ പരാതി പ്രകാരം ഇയാളുടെ വീട്ടിലെത്തിയാണ് പട്ടിമറ്റം പോലീസ് ശശിയെ കസ്റ്റഡിയിലെടുത്തത്. മദ്യക്കുപ്പിയുമായി രക്ഷപ്പെടാന്‍ ശ്രമിച്ചതുകൂടാതെ ജീവനക്കാരിയായ സ്ത്രീയെ ഉപദ്രവിച്ചത് അടക്കമുള്ള കുറ്റങ്ങള്‍ ചുമത്തിയാണ് ശശിക്കെതിരേ പോലീസ് കേസെടുത്തിരിക്കുന്നത്.
