കാസർകോട് കാരിയെ ഇൻസ്റ്റഗ്രാമിലൂടെ പരിചയപ്പെട്ടു; സൗഹൃദം പിന്നെ പ്രണയമായി; വിവാഹതിനായ കാര്യം യുവാവ് മറച്ചുവച്ചു; പിന്നാലെ പെൺകുട്ടിയെ വിവാഹ വാഗ്ദനം നൽകി പലതവണ പീഡിപ്പിച്ചു; ഒടുവിൽ അവൾ ചതി മനസിലാക്കി; പീഡന പരാതിയിൽ തിരുവനന്തപുരത്തുകാരൻ അറസ്റ്റിൽ
നീലേശ്വരം: കാസർകോട് നീലേശ്വരത്ത് പെൺകുട്ടിയെ പീഡിപ്പിച്ചെന്ന കേസിൽ തിരുവനന്തപുരം ആറ്റിങ്ങൽ സ്വദേശിയെ പോലീസ് അറസ്റ്റ് ചെയ്തു. തിരുവനന്തപുരം ആറ്റിങ്ങൽ സ്വദേശിയായ ശ്യാംജിത്ത് (26) നെയാണ് നീലേശ്വരം പോലീസ് അറസ്റ്റുചെയ്തത്.
ഇൻസ്റ്റഗ്രാമിലൂടെയാണ് പെൺകുട്ടിയെ യുവാവ് പരിചയപ്പെട്ടത്. ശേഷം പെൺകുട്ടിയെ പ്രതി ശ്യാംജിത്ത് കാറിനുള്ളിലും ലോഡ്ജ് മുറിയിലും വെച്ച് പീഡിപ്പിക്കുകയായിരുന്നു.
നീലേശ്വരം പോലീസ് സ്റ്റേഷൻ പരിധിയിലെ 20-കാരിയുടെ പരാതിയിലാണ് നടപടിഎടുത്തിരിക്കുന്നത്. പെൺകുട്ടി പ്രായപൂർത്തിയാകുന്നതിന് മുൻപാണ് ആറ്റിങ്ങലിൽ ടാക്സി ഡ്രൈവറായ ശ്യാംജിത്തിനെ ഇൻസ്റ്റഗ്രാമിൽ പരിചയപ്പെട്ടത്.
വിവാഹതിനായ യുവാവ് ഇക്കാര്യം മറച്ച് വെച്ചാണ് പെൺകുട്ടിയുമായി യുവാവ് അടുപ്പത്തിലായത്. ഇന്‍സ്റ്റഗ്രാമിലെ സൗഹൃദം പിന്നീട് പ്രണയമായി മാറി. വിവാഹ വാഗ്ദനം ചെയ്ത് പെൺകുട്ടിയുടെ വിശ്വാസവും പിടിച്ച് പറ്റുകയും ചെയ്തു. പിന്നീട് പെൺകുട്ടിയെ കാണാൻ നീലേശ്വരത്ത് എത്തിയ യുവാവ് കുട്ടിയെ വിളിച്ച് വരുത്തി.
തുടർന്ന് പെൺകുട്ടിയെ പുല്ലൂരിലെത്തിച്ച് കാറിനുള്ളിൽ വെച്ചും കാർണാടക ഉഡുപ്പിയിലെ ലോഡ്ജിൽ വെച്ചും പീഡിപ്പിച്ചെന്നാണ് പരാതിയിൽ പറയുന്നത്. പിന്നീടാണ് യുവാവ് വിവാഹിതനാണെന്ന കാര്യം പെൺകുട്ടി മനസിലാക്കിയത്.
വിവാഹിതനാണെന്നത് മറച്ചുവെച്ച് തന്നെ ശ്യാംജിത്ത് വഞ്ചിക്കുകയാണെന്ന് മനസ്സിലാക്കിയതോടെ പെൺകുട്ടി പോലീസിൽ പരാതി നൽകുകയായിരുന്നു. തുടർന്നാണ് പോലീസ് ആറ്റിങ്ങലിലെത്തി പ്രതിയെ അറസ്റ്റ് ചെയ്തത്. പരാതിക്കാരിയുടെ മൊഴിയെടുത്ത ശേഷം യുവാവിനെതിരെ പോക്സോ നിയമപ്രകാരമാണ് പോലീസ് കേസെടുത്തത്.
