തിരുവല്ല-കായംകുളം സംസ്ഥാന പാതയിൽ മരം കടപുഴകി വീണ് അപകടം; വഴിയോരക്കച്ചവടക്കാരിക്ക് പരിക്ക്; ഗതാഗതം പുനസ്ഥാപിച്ചു

മാന്നാർ: തിരുവല്ല-കായംകുളം സംസ്ഥാന പാതയിൽ മരം കടപുഴകി വീണുണ്ടായ അപകടത്തിൽ സ്ത്രീക്ക് പരിക്കേറ്റു. മാന്നാർ കോയിക്കൽ ജംഗ്ഷന് സമീപത്താണ് അപകടമുണ്ടായത്. വഴിയോരക്കച്ചവടം നടത്തി വന്ന സ്ത്രീക്കാണ് പരിക്കേറ്റത്. സംഭവത്തെ തുടർന്ന് ഒരു മണിക്കൂറോളം ഗതാഗതം തടസപ്പെട്ടു. ഇന്ന് വൈകിട്ട് അഞ്ച് മണിയോടെയാണ് അപകടമുണ്ടായത്.

റോഡരികിൽ ചായക്കട നടത്തി വരുന്ന എടത്വ തലവടി സ്വദേശി രാഖിയ്ക്കാണ് അപകടത്തിൽ പരിക്കേറ്റത്. സ്വകാര്യ വ്യക്തിയുടെ പുരയിടത്തിൽ ചുവട് ഭാഗം ദ്രവിച്ച് അപകടാവസ്ഥയിൽ നിന്നിരുന്ന പറങ്കിമാവ് കടപുഴകി വീണത്.

മാവേലിക്കരയിൽ നിന്നെത്തിയ അഗ്നിശമന സേനയും നാട്ടുകാരും ചേർന്ന് മരം പൂർണമായി വെട്ടി മാറ്റി ഗതാഗതം പുനസ്ഥാപിച്ചു. പരിക്കേറ്റ രാഖി മാവേലിക്കര ജില്ലാ ആശുപത്രിയിൽ ചികിത്സ തേടി.