അമിതവേ​ഗതയിലെത്തിയ കാർ സ്കൂട്ടർ യാത്രികനെ ഇടിച്ചുതെറിപ്പിച്ചു; അപകടം റോഡ് മുറിച്ചുകടക്കവേ; സംഭവം കൊല്ലത്ത്

കൊല്ലം: അമിതവേ​ഗതയിലെത്തിയ കാർ സ്കൂട്ടർ യാത്രികനെ ഇടിച്ചുതെറിപ്പിച്ചു. റോഡ് മുറിച്ചുകടക്കുകയായിരുന്ന സ്കൂട്ടർ യാത്രികനെയാണ് കാർ ഇടിച്ചു തെറിപ്പിച്ചത്. കൊല്ലത്താണ് അപകടം നടന്നത്. അപകടത്തിൽ സ്കൂട്ടർ യാത്രികനായ ഇടമൺ സ്വദേശി ​ഗുണശിലന് ​ഗുരുതരമായി പരിക്ക് പറ്റിയിട്ടുണ്ട്.

ഇയാളെ പത്തനംതിട്ടയിലെ സ്വകാര്യ ആശുപത്രിയിൽ പ്രവേശിപ്പിച്ചു. തെന്മലയിൽ ഉറുകുന്ന് പെട്രോൾ പമ്പിന് മുന്നിൽ വ്യാഴാഴ്ച ഉച്ചയോടെയായിരുന്നു സംഭവം നടന്നത്. തമിഴ്നാട് സ്വദേശികൾ സഞ്ചരിച്ച കാറാണ് സ്കൂട്ടറിനെ ഇടിച്ചുതെറിപ്പിച്ചത്.