തിരുവനന്തപുരത്ത് കെഎസ്ആര്‍ടിസി ബസിടിച്ച് അപകടം; സ്കൂട്ടർ യാത്രക്കാരന് ദാരുണാന്ത്യം

തിരുവനന്തപുരം: കെഎസ്ആര്‍ടിസി ബസിടിച്ച് സ്കൂട്ടർ യാത്രക്കാരൻ മരിച്ച നിലയിൽ. തിരുവനന്തപുരം ശ്രീകാര്യത്താണ് സംഭവം നടന്നത്. കെഎസ്ആര്‍ടിസിയുടെ സൂപ്പർഫാസ്റ്റ് ബസ് ഇടിച്ചാണ് അപകടം നടന്നത്. ശ്രീകാര്യം സ്വദേശി സെൽവൻ (68) ആണ് അപകടത്തിൽ മരിച്ചത്. ഇന്ന് പുലര്‍ച്ചെ ശ്രീകാര്യം ഇളംകുളത്ത് വച്ചാണ് അപകടം നടന്നത്.

തിരുവനന്തപുരത്ത് നിന്ന് കോഴിക്കോട്ടേയ്ക്ക് പോയ കെഎസ്ആര്‍ടിസിയുടെ സൂപ്പർഫാസ്റ്റ് വന്ന് ഇടിക്കുകയായിരുന്നു. അപകടം നടന്ന ഉടനെ തന്നെ പോലീസ് സെൽവനെ മെഡിക്കൽ കോളേജിലെത്തിച്ചെങ്കിലും ജീവൻ രക്ഷിക്കാൻ സാധിച്ചില്ല.

മരിച്ച സെൽവൻ പാൽ വിൽപനക്കാരനാണ്. മൃതദേഹം മെഡിക്കല്‍ കോളേജ് മോര്‍ച്ചറിയിലേക്ക് മാറ്റിയിട്ടുണ്ട്. മേൽ നടപടി ക്രമങ്ങൾക്ക് ശേഷം മൃതേദഹം കുടുംബാംഗങ്ങള്‍ക്ക് വിട്ടു നൽകും.