സ്കൂൾ കുട്ടികളെ കുത്തിനിറച്ച് കൊണ്ടുപോയി; ഇറക്കം ഇറങ്ങുന്നതിനിടെ അപകടം; നിയന്ത്രണം വിട്ട് മറിഞ്ഞു; ഒരാളുടെ നില ഗുരുതരം; ഞെട്ടിപ്പിക്കുന്ന സംഭവം തിരുവനന്തപുരത്ത്

തിരുവനന്തപുരം: സ്കൂള്‍ വിദ്യാർത്ഥികളെ കയറ്റികൊണ്ടുവന്ന ഓട്ടോ മറിഞ്ഞ് അപകടം. തിരുവനന്തപുരം പോത്തൻകോടാണ് അപകടം നടന്നത്. പത്ത് വിദ്യാർത്ഥികളെ നിറച്ചുകൊണ്ടുവന്ന ഓട്ടോ ഇറക്കം ഇറങ്ങുന്നതിനിടെ നിയന്ത്രണം നഷ്ടമായി മറിയുകയായിരുന്നു.

ഒരു കുട്ടിയുടെ കാലിന് ഗുരുതരമായി പരിക്കേറ്റതായി വിവരങ്ങൾ ലഭിക്കുന്നുണ്ട്. കുട്ടിയെ തലസ്ഥാനത്തെ സ്വകാര്യ ആശുപത്രിയിലേക്ക് മാറ്റിയിട്ടുണ്ട്. ഓട്ടോയിലുണ്ടായിരുന്ന മറ്റു വിദ്യാർത്ഥികള്‍ക്ക് പ്രാഥമിക ചികിത്സ നൽകിയ ശേഷം വിട്ടയച്ചു.

സംഭവത്തിൽ പോത്തോൻകോട് പോലീസ് കേസെടുത്തു. പോത്തൻകോട്ടെ സ്വകാര്യ സ്കൂളിലെ വിദ്യാര്‍ത്ഥികളാണ് ഓട്ടോയിൽ യാത്ര ചെയ്തത്. സ്ഥലത്ത് പോലീസെത്തി നടപടികൾ സ്വീകരിച്ചു.