നിയന്ത്രണം തെറ്റിയെത്തിയ ഓട്ടോ മറിഞ്ഞ് നാലാം ക്ലാസ് വിദ്യാർത്ഥിനിക്ക് ദാരുണാന്ത്യം; അപകടം സ്കൂൾ വിട്ട് വീട്ടിലേക്ക് വരുന്നതിനിടെ

തൃശ്ശൂര്‍: ഓട്ടോറിക്ഷ മറിഞ്ഞ് നാലാം ക്ലാസ് വിദ്യാർത്ഥിനിക്ക് ദാരുണാന്ത്യം. തൃശൂർ തിരുവില്ലാമലയിലാണ് അപകടം നടന്നത്. തിരുവില്ലാമല ക്രൈസ്റ്റ് ന്യൂ ലൈഫ് സ്കൂളിലെ നാലാം ക്ലാസ് വിദ്യാർത്ഥിനിയായ സ്നേഹ നന്ദനാണ് അപകടത്തിൽ മരിച്ചത്.

വൈകിട്ട് സ്കൂൾ വിട്ട് വീട്ടിലേക്ക് വരുന്നതിനിടെ ഓട്ടോറിക്ഷ തെന്നി മറിഞ്ഞ് കുട്ടി തെറിച്ച് വീഴുകയായിരുന്നു.

ഉടന്‍ തന്നെ പഴയന്നൂരിലെ ആശുപത്രിയിൽ എത്തിച്ചെങ്കിലും കുട്ടിയുടെ ജീവൻ രക്ഷിക്കാൻ സാധിച്ചില്ല. സംഭവ സ്ഥലത്ത് പോലീസെത്തി മേൽനടപടികൾ സ്വീകരിച്ചു.