നിയന്ത്രണം വിട്ട കാർ തലകീഴായി മറിഞ്ഞ് അപകടം; യുവാവിന് പരിക്ക്

മലപ്പുറം: മലപ്പുറം വളയംകുളത്ത് കാർ തല കീഴായി മറിഞ്ഞുണ്ടായ അപകടത്തിൽ യുവാവിന് പരിക്ക്. എരമംഗലം സ്വദേശി ഷാഹിദ് (18) ആണ് അപകടത്തിൽ പരിക്കേറ്റത്. ഇന്ന് ഉച്ചക്ക് 12 മണിയോടെയാണ് അപകടമുണ്ടായത്. ഷാഹിദ് സഞ്ചരിച്ച കാർ മറ്റൊരു കാറിൽ തട്ടിയതിനെ തുടർന്ന് നിയന്ത്രണം നഷ്ടമായി.

ശേഷം വാഹനം തലകീഴായി മറിയുകയായിരുന്നു. പരിക്കേറ്റ ഷാഹിദിനെ ചങ്ങരംകുളത്തെ സ്വകാര്യ ആശുപത്രിയിൽ പ്രവേശിപ്പിച്ചു. പോലീസ് സംഭവ സ്ഥലത്തെത്തി തുടർ നടപടികൾ സ്വീകരിച്ചു.