- HOME
- NEWS
- POLITICS
- SPORTS
- CINEMA
- CHANNEL
- MONEY
- RELIGION
- INTERVIEW
- SCITECH
- OPINION
- FEATURE
- MORE
പതിനാലുകാരിയെ വീട്ടില് കൂട്ടിക്കൊണ്ടു പോയി ബലാത്സംഗം ചെയ്തു: യുവാവ് അറസ്റ്റില്
പതിനാലുകാരിയെ വീട്ടില് കൂട്ടിക്കൊണ്ടു പോയി ബലാത്സംഗം ചെയ്തു: യുവാവ് അറസ്റ്റില്
റാന്നി: പതിനാലുകാരിയെ ബലാത്സംഗം ചെയ്ത യുവാവിനെ പെരുനാട് പോലീസ് അറസ്റ്റ് ചെയ്തു. മാടമണ് മേലെകുറ്റി വീട്ടില് ജോബി തോമസ് (25) ആണ് പിടിയിലായത്. കഴിഞ്ഞ മാസം ആറിനും പത്തിനുമിടയില് ഇയാളുടെ വീട്ടില് വച്ചാണ് ലൈംഗിക പീഡനത്തിനിരയാക്കിയതെന്ന് കോന്നി എന്ട്രി ഹോമില് കഴിയുന്ന പെണ്കുട്ടി പോലീസിന് മൊഴി നല്കി.
പെരുനാട് പോലീസ് മേല് നടപടികള് സ്വീകരിച്ചു. പോലീസ് ഇന്സ്പെക്ടര് ജി. വിഷ്ണുവാണ് കേസ് അന്വേഷിക്കുന്നത്. യുവാവ് കുട്ടിയുമായി കറങ്ങി നടക്കുന്നതു കണ്ട് സംശയം തോന്നിയ അയല്വാസികള് വാര്ഡ് മെമ്പറെ വിവരം അറിയിക്കുകയായിരുന്നു. മെമ്പര് കുട്ടിയോട് വിവരങ്ങള് ചോദിച്ചറിയുകയും ചെയ്തു. തുടര്ന്ന് കൗണ്സിലിങ് സൗകര്യം ഏര്പ്പെടുത്തി.
കൗണ്സിലറോട് കുട്ടി വിവരങ്ങള് വെളിപ്പെടുത്തുകയായിരുന്നു. പിന്നീട് കോന്നി എന്ട്രി ഹോമിലേക്ക് കുട്ടിയെ മാറ്റി. വിവരം ലഭിച്ചതിനെ തുടര്ന്ന് പോലീസ് അവിടെയെത്തി 30 ന് വിശദമായ മൊഴി രേഖപ്പെടുത്തി. പെരുനാട് പോലീസ് യുവാവിനെതിരെ കേസ് രജിസ്റ്റര് ചെയ്ത് അന്വേഷണം ആരംഭിച്ചു. പ്രതിയെ ഉടനടി വീടിനു സമീപത്തു നിന്നും പിടികൂടി. തുടര് നടപടികള്ക്ക് ശേഷം ഇയാളെ കോടതിയില് ഹാജരാക്കി.