ഹരിപ്പാട്: ആലപ്പുഴ ജില്ലയിലെ ചിങ്ങോലിയിലുള്ള ആയിക്കാട് പറവടക്കതിൽ കുടുംബക്ഷേത്രത്തിൽ മദ്യലഹരിയിലെത്തിയ യുവാവ് അതിക്രമം നടത്തുകയും ക്ഷേത്രത്തിലെ ചടങ്ങുകൾ അലങ്കോലപ്പെടുത്തുകയും ബന്ധുക്കളെ ആക്രമിക്കുകയും ചെയ്ത സംഭവത്തിൽ പോലീസ് കേസെടുത്തു.

കുടുംബാംഗം കൂടിയായ ദിനേശ് എന്നയാളാണ് കഴിഞ്ഞ ദിവസം രാത്രി ക്ഷേത്രത്തിലും സമീപത്തെ വീടുകളിലും അതിക്രമം നടത്തിയത്. ചടങ്ങ് നടന്നു വരുന്നതിനിടയിലാണ് ദിനേശ് മദ്യലഹരിയിൽ പ്രശ്‌നങ്ങളുണ്ടാക്കാൻ തുടങ്ങിയത്. വടിയുമായി എത്തിയ ഇയാൾ ക്ഷേത്രമതിൽ ചാടിക്കടന്നാണ് ഉള്ളിലേക്ക് പ്രവേശിച്ചത്.

ക്ഷേത്രമതിൽ ചാടിക്കടന്നയുടൻ മൈക്ക് സെറ്റ് ഓഫാക്കിയ ദിനേശ്, തുടർന്ന് ക്ഷേത്രത്തിലെ പ്രധാന ഫ്യൂസ് ഊരി മാറ്റി വൈദ്യുതി വിച്ഛേദിച്ചു. ഇതോടെ ക്ഷേത്രത്തിലെ വിളക്കുകളും ചടങ്ങുകൾക്കായി ഉപയോഗിച്ചിരുന്ന ശബ്ദസംവിധാനവും നിലച്ചു. ഇത് ചടങ്ങുകളിൽ പങ്കെടുത്തവരെ പരിഭ്രാന്തരാക്കി. സംഭവത്തിൽ പോലീസ് കേസെടുത്തിട്ടുണ്ട്.

മദ്യപൻഅതിക്രമംക്ഷേത്രം

സ്വന്തം ലേഖകൻ