ദഫ്മുട്ട് മത്സരങ്ങൾക്ക് സുരക്ഷ നൽകാനെത്തി; പിന്നാലെ പോലീസിനെ ആക്രമിച്ച് അഞ്ചംഗസംഘം; പ്രതികളെ പോലീസ് അറസ്റ്റ് ചെയ്തു

കഠിനംകുളം: തിരുവനന്തപുരം പെരുമാതുറയിൽ ദഫ്മുട്ട് മത്സരങ്ങൾക്ക് സുരക്ഷ ഒരുക്കാൻ എത്തിയ പോലീസിനെ ആക്രമിച്ചു. അഞ്ചുപേർ അടങ്ങുന്ന സംഘമാണ് പോലീസിനെ ആക്രമിച്ചത്. സംഭവത്തിൽ സംഘത്തിലുള്ള അഞ്ചുപേരും പിടിയിലായതായി പോലീസ് അറിയിച്ചു.

കഠിനംകുളം മുഹിയുദിൻ പള്ളിക്ക് അടുത്തുള്ള തൈവിളാകം വീട്ടിൽ സാജിദ്(20), വൈ.എം.എ. ജങ്‌ഷനു സമീപം അൽ അമീൻ(21), എ.ജെ. ഓഡിറ്റോറിയത്തിനു സമീപം തൈവിളാകം വീട്ടിൽ സാജിദ്(24), തെരുവിൽ തൈവിളാകം വീട്ടിൽ അൽഅമീൻ (21), അഴൂർ മാടൻവിള ഹോമിയോ ആശുപത്രിക്ക് സമീപം തൈവിളാകം വീട്ടിൽ സഹീർഖാൻ(20) എന്നിവരാണ് കഠിനംകുളം പോലീസിന്റെ വലയിൽ കുടുങ്ങിയത്.

കഠിനംകുളം എസ്.എച്ച്.ഒ. സജൻ ബി.എസ്., എസ്.ഐ. അനൂപ്, സി.പി.ഒ.മാരായ അഭിലാഷ്, ഷാഹുൽ ഹമീദ് എന്നിവർ അടങ്ങിയ സംഘമാണ് പ്രതികളെ പിടികൂടിയത്. പ്രതികളെ ആറ്റിങ്ങൽ ജുഡീഷ്യൽ ഫസ്റ്റ് ക്ലാസ് കോടതിയിൽ ഹാജരാക്കിയിട്ടുണ്ട്.