ദേ പോയി..ദാ വന്നു..! കേരളത്തിൽ തുലാവർഷം വീണ്ടും സജീവമാകുന്നു; ഇന്ന് മൂന്ന് ജില്ലകളിൽ യെല്ലോ അലർട്ട്; കൂടെ ന്യൂനമർദ്ദവും രൂപപ്പെട്ടെന്ന് കാലാവസ്ഥ വകുപ്പ്; അതീവ ജാഗ്രത

തിരുവനന്തപുരം: വടക്കൻ തമിഴ്നാട് മുതൽ ലക്ഷദ്വീപ് വരെ ഒന്നര കിലോമീറ്റർ ഉയരത്തിൽ പുതിയ ന്യൂനമർദ്ദ പാത്തി രൂപപ്പെട്ടതിനെ തുടർന്ന് കേരളത്തിൽ തുലാവർഷം വീണ്ടും സജീവമാകുന്നു. അടുത്ത അഞ്ച് ദിവസത്തേക്ക് നേരിയതോ ഇടത്തരം മഴയോ ലഭിക്കാൻ സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.

ഇന്ന് (ഡിസംബർ 4, 2025) ഒറ്റപ്പെട്ട ശക്തമായ മഴയ്ക്ക് സാധ്യതയുള്ളതിനാൽ തൃശൂർ, മലപ്പുറം, വയനാട് ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. കൂടാതെ, കേരള-ലക്ഷദ്വീപ് തീരങ്ങളിൽ മണിക്കൂറിൽ 55 കിലോമീറ്റർ വരെ വേഗത്തിൽ കാറ്റ് വീശാൻ സാധ്യതയുള്ളതിനാൽ ഇന്ന് മത്സ്യത്തൊഴിലാളികൾ കടലിൽ പോകരുത് എന്നും മുന്നറിയിപ്പുണ്ട്.