വൈദ്യുതി കമ്പിയിൽ തട്ടി ഷോക്കേറ്റ് വീട്ടമ്മ മരിച്ചു; അപകടം ഇരുമ്പ് തോട്ടി ഉപയോഗിച്ച് തേങ്ങയിടുന്നതിനിടെ; സംഭവം പത്തനാപുരത്ത്

കൊല്ലം: കൊല്ലം പത്തനാപുരത്ത് വൈദ്യുതി കമ്പിയിൽ തട്ടി ഷോക്കേറ്റ് വീട്ടമ്മ മരിച്ചു. പത്തനാപുരം കുണ്ടയം സ്വദേശി ലത്തീഫാ ബീവി(55)യാണ് മരിച്ചത്. ഇരുമ്പ് തോട്ടി ഉപയോഗിച്ച് തേങ്ങയിടാൻ ‌ശ്രമിക്കുന്നതിനിടെയാണ് അപകടമുണ്ടായത്.

വൈദ്യുത കമ്പിയോട് ചേർന്നാണ് തെങ്ങ് നിന്നിരുന്നത്. ഇരുമ്പ് തോട്ടി വൈദ്യുതി ലൈനിൽ തട്ടിയാണ് ഷോക്കേറ്റത്. ഉടൻ തന്നെ ആശുപത്രിയിലെത്തിച്ചെങ്കിലും മരണം സ്ഥിരീകരിക്കുകയായിരുന്നു. മൃതദേഹം ആശുപത്രിയിലേക്ക് മാറ്റി. പോസ്റ്റുമോർട്ടത്തിന് ശേഷം കുടുംബത്തിന് വിട്ടുനൽകും.