തിരുവനന്തപൂരം: പത്തു വയസുകാരിയെ പീഡിപ്പിച്ച കേസില്‍ മൂന്നാനച്ഛനായ അനില്‍കുമാറിന് പതിനഞ്ച് കൊല്ലം കഠിന തടവും നല്‍പ്പത്തിയ്യായിരം രൂപ പിഴയും തിരുവനന്തപുരം പ്രതേക അതിവേഗ കോടതി ജഡ്ജി അഞ്ചു മീര ബിര്‍ള വിധിച്ചു. പിഴ അടച്ചില്ലെങ്കില്‍ ഒന്നരകൊല്ലം കൂടുതല്‍ തടവ് അനുഭവിക്കണം. പിഴ തുക അതിജീവിതയ്ക്ക് നല്‍കാനും വിധിയില്‍ പറയുന്നു.

2020 മാര്‍ച്ച് പതിനഞ്ചിനും ഇതിനു മുമ്പുള്ള പലദിവസങ്ങളിലുമായിട്ടാണ് പ്രതി അതിജീവിതയെ പീഡിപ്പിച്ചത് എന്നാണ് പ്രോസക്യൂഷന്‍ കേസ്. ഇത് കൂടാതെ മൊബൈലിലൂടെ അശ്ലീല വീഡിയോകള്‍ കാണിച്ചു കൊടുത്തിട്ടുണ്ട്. കുട്ടിയെ ഭീഷണി പെടുത്തിയതിനാല്‍ പുറത്താരോടും സംഭവം പറഞ്ഞില്ല. ഏറ്റവും ഒടുവില്‍ പീഡിപ്പിച്ച ദിവസം അമ്മുമ്മയോട് സംഭവം പറഞ്ഞത്. തുടര്‍ന്നാണ് വീട്ടുകാര്‍ നഗരൂര്‍ പോലീസ് സ്റ്റേഷനില്‍ വിവരം അറിയിച്ചത്.

പ്രോസക്യൂഷന്‍ന് വേണ്ടി സ്‌പെഷ്യല്‍ പബ്ലിക് പ്രോസിക്യൂട്ടര്‍ ആര്‍.എസ് വിജയ മോഹന്‍ ഹാജരായി. പ്രോസിക്യൂഷന്‍ പതിനാറ് സാക്ഷികളെ വിസ്തരിക്കുകയും ഇരുപത്തിയാറ് രേഖകള്‍ ഹാജരാക്കുകയും ചെയ്തു. നെടുമങ്ങാട് ഡി വൈ എസ്ആ പി യിരുന്ന സുനീഷ് ബാബു,സബ് ഇന്‍സ്പെക്ടര്‍ ഷിജു എസ്.എസ് എന്നിവരാണ് കേസ് അന്വേഷിച്ചത്. അതിജീവിതയ്ക്ക് ജില്ലാ ലീഗല്‍ എയ്ഡ് അതോറിറ്റി നഷ്ടപരിഹാരം നല്‍കണമെന്നും വിധിയില്‍ പറഞ്ഞിട്ടുണ്ട്.