'സംസ്ഥാനത്ത് ഭരണവിരുദ്ധ വികാരമില്ല, കളളപ്രചരണ വേലകൾ വെറുതെയായി'; ജനങ്ങൾ ഇടുപക്ഷത്തിനൊപ്പമെന്ന് കെ രാധാകൃഷ്ണൻ എംപി

തൃശ്ശൂർ: ഉപതെരഞ്ഞെടുപ്പ് മുന്നേറ്റത്തിന് പിന്നാലെ പ്രതികരണവുമായി കെ രാധാകൃഷ്ണൻ എംപി. ഫലത്തോടെ സംസ്ഥാനത്ത് ഭരണവിരുദ്ധ വികാരമില്ലെന്ന് തെളിഞ്ഞെന്ന അവകാശവാദമാണ് അദ്ദേഹം പ്രകടിപ്പിക്കുന്നത്. ചേലക്കര നിലനിർത്തിയതിന് പിന്നാലെയാണ് എംപിയുടെ അവകാശവാദം. കളളപ്രചരണ വേലകൾ വെറുതെയായെന്നും ഭരണ വിരുദ്ധ വികാരമില്ലെന്നും കെ രാധാകൃഷ്ണൻ എംപി.

''ചേലക്കരയിൽ ഉജ്വല വിജയം നേടുമെന്ന് തന്നെയായിരുന്നു പ്രതീക്ഷ. ഏറെ സന്തോഷവും അഭിമാനവുമുളള നിമിഷമാണ്. യുഡിഎഫിന്റെ എല്ലാ കള്ള പ്രചരണങ്ങളെയും തള്ളിപ്പറഞ്ഞാണ് ചേലക്കരയിലെ ജനങ്ങൾ ഇടുപക്ഷത്തിനൊപ്പം അണിനിരന്നത്. സംസ്ഥാനത്ത് ഭരണ വിരുദ്ധ വികാരമില്ല. പാലക്കാട് ഇടത് മുന്നണി മൂന്നാം സ്ഥാനത്ത് നിൽക്കുന്ന മണ്ഡലമാണ്'. അവിടെ പോലും വലിയൊരു തിരിച്ചടിയുണ്ടായിട്ടില്ലെന്നാണ് കരുതുന്നതെന്നും അദ്ദേഹം പറഞ്ഞു.