കൊല്ലം മൺറോ തുരുത്തിൽ യുവാവ് മുങ്ങി മരിച്ചതായി റിപ്പോർട്ടുകൾ

കൊല്ലം: കൊല്ലത്ത് മണ്‍റോ തുരുത്ത് ഭാഗത്തായി യുവാവ് മുങ്ങി മരിച്ചു. കൊല്ലം ചവറ സ്വദേശി നജ്മൽ (21)ആണ് മുങ്ങി മരിച്ചത്. ഇന്ന് ഉച്ചയോടെയാണ് സംഭവം നടന്നത്. കൂട്ടുകാരുമൊത്ത് മണ്‍റോതുരുത്തിൽ പുളിമൂട്ടിൽ പാലത്തിന് സമീപം കുളിക്കുന്നതിനിടെ ആയിരുന്നു അപകടം നടന്നത്.

അപകടം നടന്നപ്പോൾ ഉടനെ തന്നെ സുഹൃത്തുക്കള്‍ രക്ഷിക്കാൻ ശ്രമം നടത്തിയെങ്കിലും രക്ഷിക്കാൻ സാധിച്ചില്ല. തുടര്‍ന്ന് ഫയര്‍ഫോഴ്സും പോലീസും സ്ഥലത്ത് എത്തുകയായിരുന്നു.

ഒടുവിൽ ഫയര്‍ഫോഴ്സ് നടത്തിയ തിരച്ചിലിലാണ് യുവാവിന്‍റെ മൃതദേഹം കണ്ടെത്തിയത്. ശേഷം നടപടികള്‍ക്കുശേഷം മൃതദേഹം പോസ്റ്റ്മോര്‍ട്ടത്തിനായി കൊണ്ടുപോയിട്ടുണ്ട്.