'മച്ചാനെ പണി പാളി...'; എംഡിഎംഎ ചെറിയ പാക്കറ്റുകളിലാക്കി എത്തി; ഇടപാടുകാരെ കാത്ത് നിൽക്കുന്നതിനിടെ കൈയ്യോടെ പൊക്കി എക്സൈസ്; സംഭവം കൊച്ചിയിൽ

കൊച്ചി: വിൽപ്പനയ്ക്കായി കൊണ്ട് വന്ന എംഡിഎംഎയുമായി മലപ്പുറം സ്വദേശിയെ പെരുമ്പാവൂരിൽ നിന്നും എക്സൈസ് സംഘം അറസ്റ്റ് ചെയ്തു. മലപ്പുറം തിരൂർ സ്വദേശി സുധീർ ആണ് കുന്നത്തുനാട് എക്സൈസിന്റെ പിടിയിൽ കുടുങ്ങിയത്.

ഇയാളുടെ പക്കൽ നിന്നും 4.306 ഗ്രാം എംഡിഎംഎയാണ് എക്സൈസ് പിടിച്ചെടുത്തത്. ഇടപാടുകാരെ കാത്ത് നിൽക്കുന്നതിനിടയിലാണ് പ്രതിയെ അറസ്റ്റ് ചെയ്തത്.

ഒടുവിലത്തെ അന്വേഷണത്തിൽ മൈസൂരിൽ നിന്നും കേരളത്തിലേക്ക് എത്തിച്ച ലഹരിയാണ് ഇതെന്ന് എക്സൈസ് വ്യക്തമാക്കി. ചെറിയ അളവിൽ നിരവധി പാക്കറ്റുകളിൽ ആക്കിയാണ് എംഡിഎംഎ സൂക്ഷിച്ചിരുന്നത്. പ്രതിയെ കോടതിയിൽ ഹാജരാക്കി.