ആറ്റിങ്ങലില്‍ കശാപ്പിനായി കൊണ്ടുവന്ന കാള വിരണ്ടോടി; വീട്ടമ്മയെ കുത്തി വീഴ്ത്തി

തിരുവനന്തപുരം: ആറ്റിങ്ങലില്‍ കശാപ്പിനായി കൊണ്ടുവന്ന കാള വിരണ്ടോടി വീട്ടമ്മയെ കുത്തി വീഴ്ത്തി. തോട്ടവാരം സ്വദേശി ബിന്ദുവിനാണ് അക്രമണത്തില്‍ ഗുരുതര പരിക്കേറ്റത്. ഇന്ന് ഉച്ചയ്ക്ക് 12 മണിയോടെ ആയിരുന്നു സംഭവം. കുഴിമുക്കില്‍ നിന്നും ഓടിയ കാളയെ കൊല്ലംപുഴ ഭാഗത്ത് എത്തിയപ്പോഴാണ് കീഴടക്കാനായത്. രണ്ട് മണിക്കൂറോളം കഴിഞ്ഞാണ് കാളയെ കീഴ്‌പ്പെടുത്തിയത്.