വികസന നേട്ടങ്ങളുടെ നേര്‍ക്കാഴ്ചയായ 'തദ്ദേശനേട്ടം @ 2025' ട്രെയ്‌ലര്‍ റിലീസ് ചെയ്തു
വികസന നേട്ടങ്ങളുടെ നേര്‍ക്കാഴ്ചയായ 'തദ്ദേശനേട്ടം @ 2025' ട്രെയ്‌ലര്‍ റിലീസ് ചെയ്തു
ആലപ്പുഴ:ഒരു ഗ്രാമത്തിന്റെ ചരിത്രസ്ഥലികളും പൈതൃക നേട്ടങ്ങളും വികസന കുതിപ്പുകളും ജനങ്ങളിലേക്ക് എത്തിക്കുന്ന സോഷ്യല്‍ മീഡിയ വീഡിയോ പ്രോഗ്രാമായ 'തദ്ദേശനേട്ടം @ 2025'ന്റെ ട്രെയ്‌ലര്‍ തൈക്കാട്ടുശ്ശേരി ബ്ലോക്ക് പഞ്ചായത്ത് പ്രസിഡന്റ് വി. ആര്‍.രജിത റിലീസ് ചെയ്തു. തുടര്‍ന്ന് ബ്ലോക്ക് പഞ്ചായത്ത് അംഗങ്ങള്‍, ഗ്രാമ പഞ്ചായത്ത് അംഗങ്ങള്‍.
വിവിധ സാമൂഹ്യ- രാഷ്ടീയ-സാംസ്‌കാരിക- കലാ- സിനിമരംഗത്തെ പ്രമുഖരും , പ്രവര്‍ത്തകരും സമൂഹ മാധ്യമങ്ങളിലൂടെ ടെയ്‌ലര്‍ റിലീസില്‍ പങ്കാളികളായി. ബ്ലോക്ക് പഞ്ചായത്തിന്റെ വികസന നേട്ടങ്ങളും ഗ്രാമപഞ്ചായത്തുകളായ പള്ളിപ്പുറം, തൈക്കാട്ടുശ്ശേരി, പാണാവള്ളി, പെരുമ്പളം, അരൂക്കുറ്റി എന്നീ പഞ്ചായത്തുകളുടെ വികസന പ്രവര്‍ത്തനങ്ങളുമാണ് ഈ വീഡിയോയില്‍ ചിത്രീകരിക്കുന്നത്.
പി ആര്‍ മീഡിയയുടെ ബാനറില്‍ മാധ്യമ പ്രവര്‍ത്തകനും സിനിമാ പി ആര്‍ ഒ യുമായ പി ആര്‍ സുമേരനാണ് 'തദ്ദേശനേട്ടം @ 2025' ന്റെ രചനയും സംവിധാനവും നിര്‍വ്വഹിക്കുന്നത്. നിര്‍മ്മാണം പി.കെ നിസാര്‍ , സഹ നിര്‍മ്മാണം - മായ പി.എം. നിയമ സഹായം - അഡ്വ.മഞ്ചേരി സുന്ദര്‍രാജ്.
ക്യാമറ- ടി കെ കൃഷ്ണകുമാര്‍,ആര്‍ട്ട് - വിനേഷ് വി മോഹനന്‍ ,എഡിറ്റര്‍-സച്ചിന്‍.എസ്. പഞ്ചായത്തിന്റെ വികസന നേട്ടങ്ങള്‍, അംഗങ്ങളുടെ അഭിമുഖങ്ങള്‍, നാടിന്റെ ചരിത്രം, പൈതൃകം , സംസ്‌ക്കാരം, ഗ്രാമകാഴ്ചകള്‍ തുടങ്ങിയ പ്രത്യേക ഫീച്ചറുകള്‍ അടങ്ങിയ പ്രോഗ്രാമുകളാണ് വീഡിയോയിലൂടെ ചിത്രീകരിക്കുന്നത്. ഫെയ്‌സ് ബുക്ക്, ഇന്‍സ്റ്റഗ്രാം, യുട്യൂബ്, സ്റ്റാറ്റസ് വീഡിയോസ് തുടങ്ങി വിവിധ വിഭാഗങ്ങളിലായിട്ടാണ് ഈ പ്രോഗ്രാമുകള്‍ ക്രമപ്പെടുത്തിയിരിക്കുന്നത്. പ്രസ്തുത പ്രോഗ്രാമുകള്‍ അടങ്ങിയ വീഡിയോകള്‍ വാര്‍ഡുതല വാട്‌സ് ആപ് ഗ്രൂപ്പുകളിലും പൊതു വാട്‌സ് ആപ് ഗ്രൂപ്പകള്‍ അടങ്ങിയ സമൂഹ മാധ്യമങ്ങളിലും പ്രചരിപ്പിക്കും.
