വിവാഹ വാഗ്ദാനം നല്‍കി കാക്കഞ്ചേരിയിലെത്തിച്ച് പീഡിപ്പിച്ചുവെന്ന് യുവതിയുടെ പരാതി; കോണ്‍ഗ്രസ് നേതാവ് അറസ്റ്റില്‍; ലഹരി മാഫിയയ്ക്കെതിരെ കടുത്ത നിലപാട് സ്വീകരിച്ചതിന്റെ പ്രതികാരമെന്ന് കോണ്‍ഗ്രസ്

മലപ്പുറം: വിവാഹ വാഗ്ദാനം നല്‍കി പീഡിപ്പിച്ച കേസില്‍ പഞ്ചായത്ത് അംഗം കൂടിയായ കോണ്‍ഗ്രസ് നേതാവ് അറസ്റ്റില്‍. കൊണ്ടോട്ടി പള്ളിക്കല്‍ കോണ്‍ഗ്രസ് മണ്ഡലം പ്രസിഡന്റ് ജമാല്‍ കരിപ്പൂരാണ് (35) പിടിയിലായത്. വിവാഹം വാഗ്ദാനം നല്‍കി കാക്കഞ്ചേരിയിലെത്തി പീഡിപ്പിച്ചെന്നാണ് യുവതിയുടെ പരാതി.

തിങ്കളാഴ്ചയാണ് യുവതി പരാതി നല്‍കിയത്. തുടര്‍ന്ന് തേഞ്ഞിപ്പാലം പൊലീസ് കേസെടുക്കുകയായിരുന്നു, പഞ്ചായത്ത് അംഗം കൂടിയാണ് ജമാല്‍ കരിപ്പൂര്‍. കേസെടുത്തതോടെ ജമാല്‍ പഞ്ചായത്ത് അംഗത്വം രാജിവയ്ക്കുകയോ അല്ലെങ്കില്‍ പഞ്ചായത്ത് പ്രസിഡന്റോ പഞ്ചായത്ത് ഡയറക്ടറോ പുറത്താക്കണമെന്നും സിപിഎം ആവശ്യപ്പെട്ടു. ലഹരി മാഫിയയ്ക്കെതിരെ കടുത്ത നിലപാട് സ്വീകരിച്ചതിനാണ് ജമാലിനെ കള്ളക്കേസില്‍ കുടുക്കിയതെന്നാണ് കോണ്‍ഗ്രസിന്റെ ആരോപണം. പഞ്ചായത്ത് അംഗം കൂടിയാണ് ജമാല്‍ കരിപ്പൂര്‍.