കുളിക്കുന്നതിനിടെ ബന്ധുവായ കുട്ടി പുഴയില് മുങ്ങിപ്പോയി; രക്ഷിക്കാന് ശ്രമിക്കുന്നതിനിടെ യുവാവിന് ദാരുണാന്ത്യം
ബന്ധുവായ കുട്ടി പുഴയില് മുങ്ങിപ്പോയി; രക്ഷിക്കാന് ശ്രമിക്കുന്നതിനിടെ യുവാവിന് ദാരുണാന്ത്യം
ചാലക്കുടി: കുളിക്കുന്നതിനിടെ പുഴയില് മുങ്ങിപ്പോയ കുട്ടിയെ രക്ഷിക്കുന്നതിനിടെ ബന്ധുവായ രക്ഷകന് മരിച്ചു. എളവൂര് കൊടുമ്പിള്ളി കൃഷ്ണനാണു (30) മരിച്ചത്. ചാലക്കുടി പുഴയില് അന്നനാട് ആറങ്ങാലിക്കടവിലാണ് സംഭവം. ജോഷിയുടെയും മിനിയുടെയും മകനാണ്. നാലാംക്ലാസ് വിദ്യാര്ഥി ആദിദേവിനെ രക്ഷിക്കാനുള്ള ശ്രമത്തിനിടെയാണ് കൃഷ്ണന് മുങ്ങിപ്പോയത്.
എളവൂരില് നിന്നു ബന്ധുവീട്ടിലെത്തിയ സംഘത്തിലെ ആറുപേരാണ് കുളിക്കാനിറങ്ങിയത്. പത്തരയോടെ ആറങ്ങാലിക്കടവിലെത്തിയ സംഘത്തിലുള്ളവര് കുളിക്കാനിറങ്ങിയപ്പോഴും കൃഷ്ണനും മറ്റൊരു കുട്ടിയും കരയില് ഇരിക്കുകയായിരുന്നു. നീന്തുന്നതിനിടെ ആദിദേവ് മുങ്ങുന്നതായി കണ്ട കൃഷ്ണന് പുഴയിലേക്കിറങ്ങി കുട്ടിയെ കയ്യിലെടുത്തു കരയിലെത്തിച്ചു. കുട്ടി കരയിലേക്കു കയറിയെങ്കിലും കൃഷ്ണന് മുങ്ങിപ്പോവുക ആിരുന്നു.
ഒപ്പമുള്ളവരുടെ ബഹളം കേട്ട് നാട്ടുകാരും മറുകരയിലുണ്ടായിരുന്ന ബന്ധുക്കളും എത്തി തിരച്ചില് തുടങ്ങി. വൈകാതെ യുവാവിനെ കണ്ടെത്തിയപ്പോഴേക്കും ജീവന് നഷ്ടപ്പെട്ടിരുന്നു. മൃതദേഹം ചാലക്കുടി താലൂക്ക് ആശുപത്രി മോര്ച്ചറിയില്. മിസ്റ്റര് ബട്ലേഴ്സില് ക്വാളിറ്റി എന്ജിനീയറാണ്. സംസ്കാരം ഇന്ന് മൂന്നിന് വീട്ടുവളപ്പില്. സഹോദരന്: അഖില്.
