ചെന്നൈ: ചെന്നൈയിലും തമിഴ്‌നാടിന്റെ വടക്കൻ ജില്ലകളിലും തുടരുന്ന കനത്ത മഴയെത്തുടർന്ന് ചെന്നൈയിൽ നിന്ന് പുറപ്പെടേണ്ട ആറ് വിമാന സർവീസുകൾ റദ്ദാക്കി. റദ്ദാക്കിയ സർവീസുകളിൽ കൊച്ചിയിൽ നിന്ന് ചെന്നൈയിലേക്കുള്ള വിമാനവും ഉൾപ്പെടുന്നു.

ചെന്നൈ, തിരുവള്ളൂർ, കാഞ്ചീപുരം എന്നിവയുൾപ്പെടെ ഏഴ് ജില്ലകളിൽ ഇന്നും മഴ തുടരുമെന്ന് മുന്നറിയിപ്പുണ്ട്. ഈ ജില്ലകളിൽ ഓറഞ്ച് അലർട്ട് പ്രഖ്യാപിച്ചിരിക്കുകയാണ്. ചെന്നൈയിലും തിരുവള്ളൂരിലും പുലർച്ചയോളം പല സ്ഥലങ്ങളിലും മഴ തുടരുകയും, കേന്ദ്ര ജല കമ്മീഷൻ പ്രളയ മുന്നറിയിപ്പ് നൽകുകയും ചെയ്തിരുന്നു.

ചെന്നൈ നഗരത്തിലെ പല പ്രദേശങ്ങളിലും വെള്ളക്കെട്ട് രൂക്ഷമാണ്. പലയിടത്തും മരം വീണ് ഗതാഗത തടസ്സവും ഉണ്ടായി. മഴക്കെടുതി കണക്കിലെടുത്ത് ചെന്നൈ, കാഞ്ചീപുരം, തിരുവള്ളൂർ, ചെങ്കൽപെട്ട് ജില്ലകളിലെ വിദ്യാഭ്യാസ സ്ഥാപനങ്ങൾക്ക് ഇന്ന് അവധി പ്രഖ്യാപിച്ചു. ഉപമുഖ്യമന്ത്രി ഉദയനിധി സ്റ്റാലിൻ വെള്ളക്കെട്ടുള്ള പ്രദേശങ്ങൾ സന്ദർശിച്ച് സ്ഥിതിഗതികൾ വിലയിരുത്തി.

മഴമുന്നറിയിപ്പ്തമിഴ്നാട്

സ്വന്തം ലേഖകൻ