നിയന്ത്രണം വിട്ട സ്കൂൾ ബസ് മറിഞ്ഞ് അപകടം; ഡ്രൈവറും വിദ്യാർത്ഥികളും നിസാര പരിക്കുകളോടെ രക്ഷപ്പെട്ടു; സംഭവം പത്തനംതിട്ട മൂക്കന്നൂരിൽ

പത്തനംതിട്ട: സ്കൂൾ ബസ് നിയന്ത്രണം വിട്ട് മറിഞ്ഞ് അപകടം. പത്തനംതിട്ട മൂക്കന്നൂരിലാണ് സംഭവം നടന്നത്. അപകടത്തില്‍ സ്കൂള്‍ ബസ് ഡ്രൈവർക്കും വിദ്യാർത്ഥികൾക്കും നിസാരമായി പരിക്കേറ്റു.

ജ്ഞാനഗുരുകുലം സ്കൂളിലെ ബസാണ് നിയന്ത്രണം വിട്ട് മറിഞ്ഞത്. വിദ്യാർത്ഥികളുമായി പോയ സ്കൂൾ ബസാണ് അപകടത്തിൽപ്പെട്ടത്.

നിലവില്‍ അഞ്ചില്‍ അധികം കുട്ടികളാണ് ചികിത്സയിൽ കഴിയുന്നത്. നാട്ടുകാരും പോലീസും ചേർന്നാണ് രക്ഷാപ്രവർത്തനം നടത്തിയത്. സംഭവ സ്ഥലത്ത് പോലീസെത്തി മേൽനടപടികൾ സ്വീകരിച്ചു.