തൃശൂ‍രിലെ റിസോർട്ടിൽ വൻ മയക്കുമരുന്ന് വേട്ട; നാല് യുവാക്കൾ അറസ്റ്റിൽ; പിടിച്ചെടുത്തത് ഏഴ് ഗ്രാം എം.ഡി.എം.എയും ഒൻപത് കിലോ കഞ്ചാവും

തൃശൂര്‍: തൃശൂ‍ർ വരവൂർ കൊറ്റുപുറത്ത് റിസോർട്ടിൽ പോലീസ് നടത്തിയ പരിശോധനയിൽ കഞ്ചാവും എം.ഡി.എം.എയുമായി നാല് യുവാക്കൾ പിടിയിൽ. രഹസ്യ വിവരത്തിൽ എരുമപ്പെട്ടി പോലീസ് നടത്തിയ പരിശോധനയിലാണ് പ്രതികൾ പിടിയിലായത്. പ്രതികളിൽ നിന്ന് ഏഴ് ഗ്രാം എം.ഡി.എം.എയും ഒൻപത് കിലോ കഞ്ചാവുമാണ് പിടികൂടിയത്.

സംഭവത്തിൽ വരവൂർ സ്വദേശികളായ പ്രമിത്ത്‌, വിശ്വാസ്‌, വേളൂർ സ്വദേശി റഹ്മത്ത്‌ മൻസിലിൽ സലാഹുദ്ദീൻ, ചേലക്കര സ്വദേശി ജിഷ്ണു എന്നിവരെയാണ് പോലീസ് അറസ്റ്റ് ചെയ്തത്. എരുമപ്പെട്ടി സ്റ്റേഷൻ ഹൗസ്‌ ഓഫീസർ ലൈജുമോന്റെ നേതൃത്വത്തിലുള്ള പോലീസ്‌ സംഘമാണ് പ്രതികളെ അറസ്റ്റ്‌ ചെയ്തത്.