പത്താം ക്ലാസ് പരീക്ഷയുടെ അവസാന ദിവസം സ്‌കൂളില്‍ മദ്യവുമായി വിദ്യാര്‍ഥികള്‍; ഒരു വിദ്യാര്‍ഥി പരീക്ഷ എഴുതാന്‍ എത്തിയത് മദ്യപിച്ചിട്ട്; മുത്തശ്ശിയുടെ മോതിരം മോഷ്ടിച്ച് വിറ്റ 10,000 രൂപയും ബാഗില്‍; നാല് വിദ്യാര്‍ഥികള്‍ക്ക് കൗണ്‍സലിങ് നല്‍കാന്‍ ആറന്മുള പൊലീസ്
പത്താം ക്ലാസ് പരീക്ഷയുടെ അവസാന ദിവസം സ്‌കൂളില്‍ മദ്യവുമായി എത്തി വിദ്യാര്‍ഥികള്‍
കൊഴഞ്ചേരി: പത്താം ക്ലാസ് പരീക്ഷയുടെ അവസാന ദിവസം സ്‌കൂളില്‍ മദ്യവുമായി എത്തി വിദ്യാര്‍ഥികള്‍. പരീക്ഷ കഴിഞ്ഞ് ആഘോഷിക്കാന്‍ വേണ്ടിയാണു പരീക്ഷയുടെ അവസാന ദിവസമായ ഇന്നലെ വിദ്യാര്‍ഥികള്‍ മദ്യവുമായി എത്തിയത്.
ഒരാളുടെ ബാഗില്‍നിന്നു മുത്തശ്ശിയുടെ മോതിരം മോഷ്ടിച്ച് വിറ്റ 10,000 രൂപയും കണ്ടെടുത്തു. നാല് വിദ്യാര്‍ഥികള്‍ക്ക് സ്‌കൂള്‍ അധികൃതര്‍ കൗണ്‍സലിങ് നല്‍കിയതായാണ് വിവരം. കോഴഞ്ചേരിയിലെ സ്‌കൂളിലാണ് ഇന്നലെ മദ്യവുമായി വിദ്യാര്‍ത്ഥികള്‍ എത്തിയത്.
പരീക്ഷ എഴുതാന്‍ രാവിലെ ഒരു വിദ്യാര്‍ഥി മദ്യപിച്ചാണ് എത്തിയത്. സംശയം തോന്നിയ അധ്യാപകര്‍ കുട്ടിയുടെ ബാഗ് പരിശോധിച്ചപ്പോള്‍ മദ്യക്കുപ്പിയും ആഘോഷം നടത്താന്‍ ശേഖരിച്ച പതിനായിരത്തില്‍പരം രൂപയും കണ്ടെടുത്തെന്നു ആറന്മുള പൊലീസ് പറഞ്ഞു. പൊലീസും കൗണ്‍സലിങ് നല്‍കും.
Next Story
