മുഖ്യമന്ത്രിക്ക് ഒരു നിമിഷം പോലും അധികാരത്തില്‍ തുടരാന്‍ ധാര്‍മിക പിന്തുണയില്ല; ഇത്തരം സന്ദര്‍ഭങ്ങളില്‍ ഉത്തരവാദിത്തമുള്ളവര്‍ രാജിവെച്ച ചരിത്രം നമ്മുടെ സംസ്ഥാനത്ത് ഉണ്ട്; അധികാരത്തില്‍ തുടര്‍ന്നാല്‍ കാര്യങ്ങള്‍ കൂടുതല്‍ വഷളാകും; വി. ഡി സതീശന്‍
തിരുവനന്തപുരം: കേരള മുഖ്യമന്ത്രി പിണറായി വിജയന്റെ മകള്‍ ടി. വീണയ്ക്കെതിരെ സീരിയസ് ഫ്രോഡ് ഇന്‍വെസ്റ്റിഗേഷന്‍ ഓഫീസ് (എസ്എഫ്ഐഒ) കുറ്റപത്രം സമര്‍പ്പിച്ചതിന് പിന്നാലെ, പ്രതിപക്ഷം മുഖ്യമന്ത്രിയുടെ രാജി ആവശ്യപ്പെട്ടു. വീണയുടെ കമ്പനി എക്സാലോജിക് സൊല്യൂഷന്‍സ്, കൊച്ചിന്‍ മിനറല്‍സ് ആന്‍ഡ് റുട്ടൈല്‍ ലിമിറ്റഡ് (സിഎംആര്‍എല്‍) എന്ന സ്വകാര്യ കമ്പനിയില്‍ നിന്ന് സേവനങ്ങള്‍ നല്‍കാതെ 2.73 കോടി രൂപ കൈപ്പറ്റിയെന്നാണ് എസ്എഫ്‌ഐഒയുടെ കണ്ടെത്തല്‍.
പ്രതിപക്ഷ നേതാവ് വി.ഡി. സതീശന്‍ ഈ സംഭവത്തെ ഗൗരവമായി കാണുകയും, മുഖ്യമന്ത്രിയുടെ മകള്‍ പ്രതിയായ സാഹചര്യത്തില്‍ പിണറായി വിജയന്‍ ധാര്‍മിക ഉത്തരവാദിത്വം ഏറ്റെടുത്ത് രാജിവെക്കണമെന്ന് ആവശ്യപ്പെടുകയും ചെയ്തു. വീണയ്ക്ക് വിശദീകരണം നല്‍കാനുള്ള അവസരം നല്‍കിയ ശേഷമാണ് എസ്എഫ്ഐഒ അവരെ പ്രതിപ്പട്ടികയില്‍ ഉള്‍പ്പെടുത്തിയത് എന്നും അദ്ദേഹം പറഞ്ഞു. ഇത്തരം സന്ദര്‍ഭങ്ങളില്‍ പണ്ടും രാജി ആളുകള്‍ രാജിവെച്ചിട്ടുണ്ടെന്നും അത്തരത്തില്‍ മുഖ്യമന്ത്രി രാജിവെക്കുകയാണ് ഉചിതമെന്നും വിഡി സതീശന്‍ പറഞ്ഞു. രാജിവെച്ചില്ലെങ്കില്‍ കൂടുതല്‍ വിഷയമാകുമെന്നും അദ്ദേഹം പറഞ്ഞു.
കേരള മുഖ്യമന്ത്രി പിണറായി വിജയന്റെ മകള്‍ ടി.വീണക്കെതിരെ സീരിയസ് ഫ്രോഡ് ഇന്‍വെസ്റ്റിഗേഷന്‍ ഓഫീസ് (എസ്എഫ്ഐഒ) കേസ് രജിസ്റ്റര്‍ ചെയ്തതിനു പിന്നാലെ, ഇതിന് കാരണം ആദായനികുതി വകുപ്പിന്റെ സ്റ്റാറ്റിയൂട്ടറി ബോഡി നടത്തിയ പരിശോധനയാണെന്ന് പ്രതിപക്ഷം ചൂണ്ടിക്കാട്ടുന്നു. സിഎംആര്‍എല്‍ (Cochin Minerals and Rutile Ltd) എന്ന സ്വകാര്യ കമ്പനിയുമായി ബന്ധപ്പെട്ട സാമ്പത്തിക ഇടപാടുകള്‍ പരിശോധിച്ച ആദായനികുതി വകുപ്പിന്റെ പരിശോധനയിലാണ് അനിഷ്ടകരമായ കണ്ടെത്തലുകള്‍ ഉണ്ടായത്. അതിന്റെ അടിസ്ഥാനത്തിലാണ് എസ്എഫ്ഐഒ അന്വേഷണം ആരംഭിച്ചത്. ഈ അന്വേഷണത്തിന്റെ ഭാഗമായി, വീണയെയും എക്സാലോജിക് സൊല്യൂഷന്‍സ് കമ്പനിയെയും പ്രതിചേര്‍ത്ത് കേസെടുത്തു.
കമ്പനി നിയമത്തിലെ സെക്ഷന്‍ 447 പ്രകാരമാണ് വീണയ്ക്കെതിരെ ചുമത്തിയിരിക്കുന്ന കുറ്റം. ഇതനുസരിച്ച്, കമ്പനികളുടെ സാമ്പത്തിക ക്രിയാകലാപങ്ങളില്‍ തട്ടിപ്പുണ്ടായാല്‍, പ്രതികള്‍ക്ക് ആറുമാസം മുതല്‍ പത്ത് വര്‍ഷം വരെ തടവുശിക്ഷ ലഭിക്കാം. കൂടാതെ, തട്ടിപ്പിലൂടെയുണ്ടായ നഷ്ടത്തിന്റെ മൂന്നിരട്ടി തുക പിഴയായി അടയ്‌ക്കേണ്ടിവരുമെന്നും നിയമം വ്യക്തമാക്കുന്നു. ഈ കേസില്‍ അഴിമതി തടയല്‍ നിയമപ്രകാരം തെളിവില്ലെന്ന് ഹൈക്കോടതി വ്യക്തമാക്കിയിരുന്നു. എന്നിരുന്നാലും, കള്ളപ്പണം വെളുപ്പിക്കല്‍ തടയല്‍ നിയമത്തിന്റെ (Prevention of Money Laundering Act - PMLA) വ്യവസ്ഥകള്‍ ഇവിടെ ബാധകമാണെന്ന് പ്രതിപക്ഷം ചൂണ്ടിക്കാട്ടുന്നു.
വികാസങ്ങളെ പ്രതിപക്ഷം രൂക്ഷമായി വിമര്‍ശിച്ചിരിക്കുകയാണ്. 'മുഖ്യമന്ത്രിയുടെ മകള്‍ പ്രതിയായ ഒരു കേസില്‍ മുഖ്യമന്ത്രി താന്‍ രാജിവെക്കേണ്ടത് ധാര്‍മിക ഉത്തരവാദിത്വമാണ്. വി.ഡി. സതീശനും മറ്റു പ്രതിപക്ഷ നേതാക്കളും ആവശ്യപ്പെട്ടത് ഇതാണ്. 'അതേസമയം, സംസ്ഥാന സര്‍ക്കാര്‍ ഇത് രാഷ്ട്രീയ പ്രേരിത കേസാണെന്ന് ആരോപിക്കുന്നു. 'മുമ്പ് നിരവധി അന്വേഷണ ഏജന്‍സികള്‍ ഇത് പരിശോധിച്ചു. അഴിമതിയെന്ന് തെളിയിക്കാനാകാത്ത സാഹചര്യത്തില്‍ ഇപ്പോഴും വിഷയം രാഷ്ട്രീയമായി ഉപയോഗിക്കാനാണ് ശ്രമം,' എന്ന് ഒരു സിപിഎം നേതാവ് പ്രതികരിച്ചു.
കേസുമായി ബന്ധപ്പെട്ട കാര്യങ്ങള്‍ കൂടുതല്‍ നിയമപരമായ വശ്യങ്ങള്‍ക്ക് വിധേയമായേക്കാമെന്നതിനാല്‍, അനുമാനങ്ങള്‍ക്ക് ഏറെ സ്ഥാനം നല്‍കാനാകില്ല. എന്തായാലും, ഈ കേസ് സംസ്ഥാന രാഷ്ട്രീയത്തില്‍ വലിയ ആഘാതമാകുമെന്നാണ് വിലയിരുത്തല്‍.
കേസിന്റെ തുടക്കം മുഖ്യമന്ത്രിയോ അദ്ദേഹത്തിന്റെ മകളോ ഉള്‍പ്പെട്ടതുകൊണ്ടല്ലെന്നും സിഎംആര്‍എല്‍ കമ്പനിയുമായി ബന്ധപ്പെട്ട് ആദായനികുതി വകുപ്പിന്റെ സ്റ്റാറ്റിയൂട്ടറി ബോഡി നടത്തിയ കണ്ടെത്തലാണ് ഇതിന് ആധാരമെന്നും അദ്ദേഹം വ്യക്തമാക്കി. അതിന്റെ തുടര്‍ച്ചയായാണ് എസ്എഫ്ഐഒ അന്വേഷണം നടത്തി പ്രതിചേര്‍ത്തത്. ഡല്‍ഹി ഹൈക്കോടതിയില്‍ അപ്പീല്‍ നല്‍കിയിട്ടും ഫലമുണ്ടായില്ല.
ഈ കേസില്‍ വിജിലന്‍സ് കേസ് അഴിമതി തടയല്‍ നിയമം അനുസരിച്ചുള്ള തെളിവുകള്‍ വേണം. ഇത് കള്ളപ്പണം വെളുപ്പിക്കല്‍ നിയമം അനുസരിച്ചുള്ള കേസാണെന്നും സതീശന്‍ ചൂണ്ടിക്കാട്ടി. 'ഹൈക്കോടതി മുഖ്യമന്ത്രിക്കെതിരെ അഴിമതി തടയല്‍ നിയമപ്രകാരം തെളിവില്ലെന്ന് പറഞ്ഞു. എന്നാല്‍, കള്ളപ്പണം വെളുപ്പിക്കല്‍ നിയമം ഇവിടെ ബാധകമാണ്. അതനുസരിച്ചാണ് എസ്എഫ്ഐഒ കമ്പനി നിയമത്തിലെ സെക്ഷന്‍ 447 പ്രകാരം തട്ടിപ്പ് കണ്ടെത്തി വീണയെ പ്രതിചേര്‍ത്തത്,'- അദ്ദേഹം വ്യക്തമാക്കി.
'യുപിഎ സര്‍ക്കാരില്‍ റെയില്‍വേ മന്ത്രിയായിരുന്ന പവന്‍കുമാര്‍ ബന്‍സാലിന്റെ ബന്ധു ഒരു അഴിമതിക്കേസില്‍ പെട്ടപ്പോള്‍, അദ്ദേഹത്തിന് പങ്കില്ലെങ്കിലും രാജിവയ്ക്കണമെന്ന് ആവശ്യപ്പെട്ടത് സിപിഎം ആയിരുന്നു. കോടിയേരി ബാലകൃഷ്ണന്റെ മകന്‍ കേസില്‍ പെട്ടപ്പോള്‍ ഇതല്ലായിരുന്നല്ലോ നിലപാട്. ഇപ്പോള്‍ എന്താണ് ഈ വ്യത്യാസം?' - അദ്ദേഹം ചോദിച്ചു.
കഴിഞ്ഞ ദിവസമാണ് സിഎംആര്‍എല്‍ കേസില്‍ ടി.വീണ ഉള്‍പ്പടെയുള്ളവരെ പ്രതിചേര്‍ത്ത് എസ്എഫ്ഐഒ കുറ്റപത്രം സമര്‍പ്പിച്ചത്. വീണയും അവരുടെ ഉടമസ്ഥതയിലുള്ള എക്സാലോജിക് കമ്പനിയും 2.7 കോടിരൂപ കൈപ്പറ്റിയെന്നാണ് കുറ്റപത്രത്തിലുള്ളത്. വിചാരണയ്ക്ക് കേന്ദ്ര കമ്പനികാര്യമന്ത്രാലയം അനുമതിനല്‍കിയിട്ടുണ്ട്.
ആദായനികുതിവകുപ്പ് നടത്തിയ പരിശോധനയിലും ഇതിനുശേഷംനടന്ന ഇന്ററിം സെറ്റില്‍മെന്റ് ബോര്‍ഡിന്റെ തീര്‍പ്പിലും 1.72 കോടിരൂപ വീണയും കമ്പനിയും സേവനം നല്‍കാതെ കൈപ്പറ്റിയെന്നായിരുന്നു കണ്ടെത്തല്‍. വീണയ്ക്കും കമ്പനിക്കും രാഷ്ട്രീയനേതാക്കള്‍ക്കുമെല്ലാം ഇത്തരത്തില്‍ പണം നല്‍കിയതടക്കം സ്വകാര്യ കരിമണല്‍ക്കമ്പനിയായ സിഎംആര്‍എല്‍ 197.7 കോടിയുടെ വെട്ടിപ്പ് നടത്തിയെന്നാണ് അന്വേഷണത്തിലെ കണ്ടെത്തല്‍.
