മീനച്ചിലാറ്റില്‍ ഒഴുക്കില്‍പ്പെട്ട് കാണാതായ യുവാവിന്റെ മൃതദേഹം കണ്ടെത്തി; അപകടം കൂട്ടുകാരനൊപ്പം കുളിക്കാനിറങ്ങിയപ്പോള്‍

കോട്ടയം: ഒഴുക്കില്‍പ്പെട്ട് കാണാതായ യുവാവിന്റെ മൃതദേഹം കണ്ടെത്തിയതായി വിവരങ്ങൾ. കോട്ടയം മീനച്ചിലാറ്റിലാണ് സംഭവം നടന്നത്. കൈപ്പുഴ സ്വദേശി ധനേഷ് മോഹന്‍ ഷാജി (26) ആണ് ഒഴുക്കിൽപ്പെട്ട് മരിച്ചത്.

ഞായറാഴ്ചയാണ് ധനേഷ് ഒഴുക്കില്‍പ്പെട്ടത്. ചെക്ക് ഡാമില്‍ കൂട്ടുകാരനൊപ്പം കുളിക്കാനിറങ്ങിയപ്പോള്‍ ഒഴുക്കില്‍പ്പെടുകയായിരുന്നു. ഫയര്‍ഫോഴ്‌സും സന്നദ്ധസംഘടനകളും സ്‌കൂബാ ടീമും ധനേഷിനായി തിരച്ചില്‍ നടത്തി.

ശേഷം രണ്ടുദിവസത്തെ തിരച്ചിലിനൊടുവില്‍ ഇന്ന് രാവിലെ യാണ് ധനേഷിന്റെ മൃതദേഹം കണ്ടെത്തിയത്. മൃതദേഹം കോട്ടയം മെഡിക്കല്‍ കോളേജിലേക്ക് മാറ്റിയിട്ടുണ്ട്. പോസ്റ്റുമോര്‍ട്ടത്തിന് ശേഷം മൃതദേഹം കുടുംബത്തിന് കൈമാറുമെന്ന് അറിയിച്ചിട്ടുണ്ട്.