വരുന്നു കൂടുതല്‍ എഫ് എം സ്റ്റേഷനുകള്‍; 730 എഫ്എം സ്റ്റേഷനുകള്‍ക്കു അംഗീകാരം; പാലക്കാടും കാഞ്ഞങ്ങാട്ടും 3 വീതം പുതിയ റേഡിയോ സ്റ്റേഷനുകള്‍
തിരുവനന്തപുരം: രാജ്യത്ത് കൂടുതല്‍ എഫ് എം റേഡിയോ സ്റ്റേഷനുകള്‍ വരുന്നു.രാജ്യത്തെ 234 പുതിയ നഗരങ്ങളില്‍ 730 സ്റ്റേഷനുകള്‍ക്കായി മൂന്നാം വട്ട ഇ ലേലം നടത്താനുള്ള നിര്‍ദ്ദേശത്തിനു പ്രധാനമന്ത്രി നരേന്ദ്ര മോദിയുടെ അധ്യക്ഷതയില്‍ ചേര്‍ന്ന കേന്ദ്ര മന്ത്രസഭാ യോഗം അംഗീകാരം നല്‍കി.സ്വകാര്യ എഫ്എം റേഡിയോ മൂന്നാം ഘട്ട നയപ്രകാരം 784.87 കോടി രൂപ കരുതല്‍ ധനത്തോടെയാണ് എഫ്എമ്മുകള്‍ വരുന്നത്. പദ്ധതിയുടെ ഭാഗമായി സംസ്ഥാനത്ത് പാലക്കാടും കാഞ്ഞങ്ങാട്ടും മൂന്ന് വീതം പുതിയ എഫ്എം റേഡിയോ സ്റ്റേഷനുകള്‍ അനുവദിച്ചു.ലക്ഷദ്വീപിലെ കവരത്തിയില്‍ ഒരെണ്ണവും […]
തിരുവനന്തപുരം: രാജ്യത്ത് കൂടുതല്‍ എഫ് എം റേഡിയോ സ്റ്റേഷനുകള്‍ വരുന്നു.രാജ്യത്തെ 234 പുതിയ നഗരങ്ങളില്‍ 730 സ്റ്റേഷനുകള്‍ക്കായി മൂന്നാം വട്ട ഇ ലേലം നടത്താനുള്ള നിര്‍ദ്ദേശത്തിനു പ്രധാനമന്ത്രി നരേന്ദ്ര മോദിയുടെ അധ്യക്ഷതയില്‍ ചേര്‍ന്ന കേന്ദ്ര മന്ത്രസഭാ യോഗം അംഗീകാരം നല്‍കി.സ്വകാര്യ എഫ്എം റേഡിയോ മൂന്നാം ഘട്ട നയപ്രകാരം 784.87 കോടി രൂപ കരുതല്‍ ധനത്തോടെയാണ് എഫ്എമ്മുകള്‍ വരുന്നത്.
പദ്ധതിയുടെ ഭാഗമായി സംസ്ഥാനത്ത് പാലക്കാടും കാഞ്ഞങ്ങാട്ടും മൂന്ന് വീതം പുതിയ എഫ്എം റേഡിയോ സ്റ്റേഷനുകള്‍ അനുവദിച്ചു.
ലക്ഷദ്വീപിലെ കവരത്തിയില്‍ ഒരെണ്ണവും അനുവദിച്ചിട്ടുണ്ട്.സ്വകാര്യ എഫ്എം റേഡിയോ സേവനം ലഭ്യമാകാത്ത 234 പുതിയ നഗരങ്ങളിലാണ് സ്വകാര്യ എഫ്എം റേഡിയോ സ്ഥാപിക്കുന്നത്.മാതൃഭാഷയില്‍ പരിപാടികള്‍ അവതരിപ്പിക്കാനാകുമെന്നതാണ് സവിശേഷത.പുതിയ തൊഴിലവസരങ്ങള്‍ സൃഷ്ടിക്കുന്നതിനും പ്രാദേശിക ഭാഷയും സംസ്‌കാരവും പ്രോത്സാഹിപ്പിക്കുന്നതിനും നടപടി സഹായിക്കും.
ചരക്കു സേവന നികുതി ഒഴികെയുള്ള മൊത്ത വരുമാനത്തിന്റെ നാല് ശതമാനമായി എഫ്എം ചാനലിന്റെ വാര്‍ഷിക ലൈസന്‍സ് ഫീസ് ഈടാക്കാനുള്ള നിര്‍ദ്ദേശവും മന്ത്രിസഭാ യോഗം അംഗീകരിച്ചു. 234 പുതിയ നഗരങ്ങള്‍ക്കും ഇതു ബാധകമാണ്.ലേല പ്രക്രിയ സുഗമമാക്കുന്നതിന് വിജയകരമായ ലേലക്കാരെ തിരഞ്ഞെടുക്കുന്നത് വരെ എല്ലാ സാന്ദര്‍ഭിക സേവനങ്ങളും നല്‍കുന്നതിന് ഉത്തരവാദിത്തമുള്ള ഒരു ഏജന്‍സിയെ മന്ത്രാലയം നിയോഗിക്കും.ഇന്ത്യയിലെ ലേലത്തെക്കുറിച്ചുള്ള വിപണി താല്‍പ്പര്യവും ആവേശവും സൃഷ്ടിക്കുന്നതിനും ഈ ഏജന്‍സി പ്രവര്‍ത്തിക്കും.
നിലവില്‍, 26 സംസ്ഥാനങ്ങളിലും അഞ്ച് കേന്ദ്രഭരണ പ്രദേശങ്ങളിലുമായി 113 നഗരങ്ങളിലായി 388 എഫ്എം റേഡിയോ സ്റ്റേഷനുകളുണ്ട്.മൂന്നാം ഘട്ടത്തില്‍ വിവിധ നഗരങ്ങളിലെ സ്വകാര്യ എഫ്എം ചാനലുകള്‍ ലേലം ചെയ്ത് എഫ്എം റേഡിയോകളുടെ വ്യാപനം വിപുലീകരിക്കാന്‍ ഇന്‍ഫര്‍മേഷന്‍ ആന്‍ഡ് ബ്രോഡ്കാസ്റ്റിംഗ് മന്ത്രാലയം ഒരുങ്ങുന്നതായി കഴിഞ്ഞ ആഴ്ച തന്നെ റിപ്പോര്‍ട്ട് പുറത്തുവന്നിരുന്നു.പിന്നാലെയാണ് കേന്ദ്രം ഇപ്പോള്‍ പുതിയ സ്റ്റേഷനുകള്‍ക്ക് അംഗികാരം നല്‍കിയത്.
വാര്‍ഷിക ലൈസന്‍സിംഗ് ഫീസ് വ്യവസ്ഥകള്‍ മാറ്റാനുള്ള നിര്‍ദ്ദേശവും മന്ത്രിസഭ അംഗീകരിച്ചിട്ടുണ്ട്.ചരക്ക് സേവന നികുതി ഒഴികെയുള്ള മൊത്ത വരുമാനത്തിന്റെ 4 ശതമാനമായി എഫ്എം ചാനലിന്റെ വാര്‍ഷിക ലൈസന്‍സ് ഫീ ഈടാക്കാനുള്ള നിര്‍ദ്ദേശവും മന്ത്രിസഭ അംഗീകരിച്ചു.ലൈസന്‍സ് ഫീസ് നിശ്ചയിക്കുന്നതിനുള്ള നിലവിലുള്ള രീതി എഫ്എം റേഡിയോ ഓപ്പറേറ്റര്‍മാരുടെ ബിസിനസിനെ ബാധിക്കുന്നുവെന്ന് ചൂണ്ടിക്കാട്ടി ടെലികോം റെഗുലേറ്ററി അതോറിറ്റി ഓഫ് ഇന്ത്യയുടെ ശുപാര്‍ശയ്ക്ക് മറുപടി ആയാണ് ഈ തീരുമാനം.
എഫ് എം സ്റ്റേഷനുകള്‍ കൂടുതല്‍ വിപുലപ്പെടുത്തുന്നതിന്റെ ഭാഗമായി പുതിയ വ്യവസ്ഥകളായി നോണ്‍-റീഫണ്ടബിള്‍, ഒറ്റത്തവണ പ്രവേശനം, സൗജന്യം എന്നീ വ്യവസ്ഥകളില്‍ നിന്ന് ലൈസന്‍സ് ഫീസ് വേര്‍പെടുത്തിയിരിക്കാമെന്നും എന്നാല്‍ വരാനിരിക്കുന്ന എഫ്എം റേഡിയോ സ്റ്റേഷനുകള്‍ക്ക് മാത്രമാണ് ഈ പരിഷ്‌കാരം ബാധകമാവുകയെന്നും ബന്ധപ്പെട്ടവര്‍ വ്യക്തമാക്കി.
പോര്‍ട്ട് ബ്ലെയര്‍, ഇംഫാല്‍, ദിമാപൂര്‍, ദിബ്രുഗഡ്, അറാ, ബെഗുസാരായി, മദന്‍പല്ലെ, കോര്‍ബ, അമ്രേലി, ഭുജ്, റോഹ്തക്, അനന്ത്നാഗ്, ധന്‍ബാദ്, ബെല്‍ഗാവ്, പാലക്കാട്, മന്ദ്‌സൗര്‍, ലാത്തൂര്‍, ഗോയിന്ദിയ, പുരി, സംബല്‍പൂര്‍, ലുധിന, ലുധിന, ബദല്‍പൂര്‍, ലുധിന, അല്‍വാര്‍, ഗംഗാനഗര്‍, കോണൂര്‍, തഞ്ചാവൂര്‍, നല്‍ഗൊണ്ട, നിസാമാബാദ്, ഇറ്റാഹ്, ഹരിദ്വാര്‍, ഹല്‍ദ്വാനി, ഡാര്‍ജിലിംഗ് തുടങ്ങിയവയാണ് സ്റ്റേഷനുകള്‍ അനുവദിച്ച പ്രധാന നഗരങ്ങള്‍.
നിലവില്‍, രാജ്യത്തെ 113 നഗരങ്ങളിലായി 36 സ്വകാര്യ എഫ്എം ബ്രോഡ്കാസ്റ്ററുകള്‍ 388 എഫ്എം റേഡിയോ സ്റ്റേഷനുകള്‍ പ്രവര്‍ത്തിപ്പിക്കുന്നു. ഏറ്റവും പുതിയ റിപ്പോര്‍ട്ട് അനുസരിച്ച്, കൂടുതല്‍ റീട്ടെയില്‍, പ്രാദേശിക പരസ്യങ്ങളുടെയും ഇതര വരുമാന സ്ട്രീമുകളുടെയും പിന്‍ബലത്തില്‍ റേഡിയോ വിഭാഗത്തിലെ വരുമാനം 2023ല്‍ 10 ശതമാനം വര്‍ധിച്ച് 2,300 കോടി രൂപയിലെത്തി. പരസ്യ നിരക്കുകള്‍ 2019 ലെ നിലവാരത്തില്‍ താഴെയാണെങ്കിലും മുന്‍ വര്‍ഷത്തെ അപേക്ഷിച്ച് 2023 ല്‍ ഈ മേഖലയില്‍ പരസ്യങ്ങളുടെ അളവ് 19 ശതമാനം വര്‍ദ്ധിച്ചു.
