'ഡോക്ടര്‍-ജനസംഖ്യ അനുപാതം ഏറ്റവും മോശമായ നിലയില്‍; ഫിനാന്‍ഷ്യല്‍ ഗ്യാപ് മൂലം മരുന്നുകളുടെ കുറവ്; ബ്ലഡ് ബാങ്കുകള്‍ ലൈസന്‍സ് ഇല്ലാതെ പ്രവര്‍ത്തിക്കുന്നു'; പിപിഇ കിറ്റ് അഴിമതി മാത്രമല്ല, സിഎജി കണ്ടെത്തലുകളില്‍ ആരോഗ്യമേഖേല ഗുരുതരാവസ്ഥയില്‍
പിപിഇ കിറ്റ് അഴിമതി മാത്രമല്ല, സിഎജി കണ്ടെത്തലുകളില്‍ ആരോഗ്യമേഖേല ഗുരുതരാവസ്ഥയില്‍
തിരുവനന്തപുരം: പിപിഇ കിറ്റ് ഇടപാടില്‍ 10.23 കോടി രൂപ സര്‍ക്കാരിന് അധിക ബാധ്യതയുണ്ടായി എന്നായിരുന്നു കഴിഞ്ഞ ദിവസം സിഎജി നിയമസഭയില്‍ വച്ച റിപ്പോര്‍ട്ടില്‍ പറയുന്നത്. പൊതുവിപണിയേക്കാള്‍ 300 ശതമാനം കൂടുതല്‍ പണം നല്‍കിയാണ് പിപിഇ കിറ്റ് വാങ്ങിയതെന്നും റിപ്പോര്‍ട്ടില്‍ പറയുന്നു. കോവിഡ് കാലത്തെ പിപിഇ കിറ്റ് ഇടപാടില്‍ ക്രമക്കേടുണ്ടെന്ന സിഎജി കണ്ടെത്തലിനു പിന്നാലെ വിശദീകരണവുമായി മുന്‍ ആരോഗ്യമന്ത്രി കെ കെ ശൈലജയുടെ രംഗത്ത് വന്നിരുന്നു. കോവിഡ് കാലത്ത് പിപിഇ കിറ്റിന് ക്ഷാമമുണ്ടായിരുന്നപ്പോള്‍ കുറച്ചു കിറ്റുകള്‍ കൂടുതല്‍ വിലയ്ക്ക് വാങ്ങേണ്ടിവന്നുവെന്നായിരുന്നു വിശദീകരണം. പിപിഇ കിറ്റ് അഴിമതിയില്‍ ചര്‍ച്ച തുടരുമ്പോള്‍ ആരോഗ്യ മേഖല നേരിടുന്ന ഗുരുതര അവസ്ഥയെക്കുറിച്ച് സിഎജി റിപ്പോര്‍ട്ടില്‍ പറയുന്ന ഭാഗം വേണ്ടത്ര ചര്‍ച്ചയാകുന്നില്ല എന്നതാണ് യാഥാര്‍ത്ഥ്യം.
ആരോഗ്യ മേഖലയിലെ പല ഗുരുതര വീഴ്ചകളും റിപ്പോര്‍ട്ടില്‍ അക്കമിട്ടു പറഞ്ഞിട്ടുണ്ട്. അത് 10 കോടിയുടെ അഴിമതിയേക്കാള്‍ ഗുരുതരമാണ്. ഡോക്ടര്‍-ജനസംഖ്യ അനുപാതം ഏറ്റവും മോശമായ നിലയിലാണെന്നും ഫിനാന്‍ഷ്യല്‍ ഗ്യാപ് മൂലം മരുന്നുകളുടെ കുറവ് നേരിടുന്നുവെന്നും ചില ബ്ലഡ് ബാങ്കുകള്‍ ലൈസന്‍സ് ഇല്ലാതെ പ്രവര്‍ത്തിക്കുന്നുവെന്നതടക്കം ഒട്ടേറെ വീഴ്ചകള്‍ തുറന്നു കാട്ടുന്നതാണ് സിഎജി റിപ്പോര്‍ട്ട്
ഓഡിറ്റ് കണ്ടെത്തലുകള്‍
1. ആരോഗ്യ പ്രവര്‍ത്തകരുടെ അഭാവം
ആധുനിക വൈദ്യശാസ്ത്രത്തിലും ആയുഷിലും എല്ലാ ആശുപത്രി തലങ്ങളിലും ഡോക്ടര്‍മാരുടെയും വിദഗ്ധ ഡോക്ടര്‍മാരുടെയും കടുത്ത ക്ഷാമം.
നഴ്‌സുമാരുടെയും ഫാര്‍മസിസ്റ്റുമാരുടെയും ലാബ് ടെക്‌നീഷ്യന്മാരുടെയും കാര്യത്തില്‍ ക്ഷാമം.
14 ജില്ലകളില്‍ 2 ജില്ലകളില്‍ ഡോക്ടര്‍-ജനസംഖ്യ അനുപാതം ഏറ്റവും മോശമായ നിലയില്‍.
13 ജില്ലകളില്‍ ആശാ പ്രവര്‍ത്തകരുടെ ക്ഷാമം 3% മുതല്‍ 33% വരെ.
2. അടിസ്ഥാന സൗകര്യങ്ങള്‍
ആര്‍ദ്രം മിഷന്‍ ലക്ഷ്യങ്ങള്‍ സാധ്യമായില്ല, കുടുംബാരോഗ്യ കേന്ദ്രങ്ങള്‍ക്ക് ആവശ്യമായ സൗകര്യങ്ങള്‍, മാനവശേഷി കുറവായതിനാല്‍.
ഔട്ട് പേഷ്യന്റ് വിഭാഗങ്ങളിലെ ഡോക്ടര്‍മാര്‍ക്കും രോഗികള്‍ക്കും പ്രയാസം; ഡോക്ടര്‍മാര്‍ക്ക് കടുത്ത പ്രവര്‍ത്തഭാരം.
ഇന്ത്യന്‍ പബ്ലിക് ഹെല്‍ത്ത് സ്റ്റാന്‍ഡേര്‍ഡ് (IPHS) മാനദണ്ഡങ്ങള്‍ പല ആശുപത്രികളിലും പാലിക്കപ്പെട്ടിട്ടില്ല.
പ്രാഥമിക ആരോഗ്യ കേന്ദ്രങ്ങള്‍ (PHCs) 14% കുറവും കമ്മ്യൂണിറ്റി ഹെല്‍ത്ത് സെന്ററുകള്‍ (CHCs) 35% കുറവുമുണ്ട്.
അടിസ്ഥാന സൗകര്യ പദ്ധതികള്‍ വൈകിയതും പ്രയാസമുണ്ടാക്കിയത് താഴെപ്പറയുന്ന കാരണങ്ങളാല്‍:
നിയമാനുസൃത ക്ലിയറന്‍സ് വൈകുക.
ദോഷപരമായ ആസൂത്രണവും സ്ഥലം തെരഞ്ഞെടുപ്പ് പിഴവുകളും.
ഫണ്ടുകളുടെ അഭാവം, പദ്ധതിയുടെ മാറ്റം എന്നിവ മൂലം പദ്ധതികള്‍ ഉപേക്ഷിക്കപ്പെട്ടു.
3. മരുന്നുകളും മെഡിക്കല്‍ ഉപകരണങ്ങളും
കേരള മെഡിക്കല്‍ സര്‍വീസസ് കോര്‍പ്പറേഷന്‍ ലിമിറ്റഡ് (KMSCL):
ഫിനാന്‍ഷ്യല്‍ ഗ്യാപ് മൂലം മരുന്നുകളുടെ കുറവ്
82% മരുന്നുകള്‍ വൈകി എത്തിച്ചു; പലതിനും പിഴ ചുമത്തപ്പെട്ടില്ല.
ഗുണനിലവാര പരിശോധനയ്ക്ക് 10% മരുന്നുകള്‍ മാത്രമേ ഉള്‍പ്പെടുത്തിയിട്ടുള്ളു.
ടെര്‍ഷറിയി ആശുപത്രികളില്‍ ഉപകരണങ്ങള്‍ വൈകി ലഭിക്കുന്നതും നിര്‍മ്മാണം ഇല്ലാത്തതും കാരണം ലഭ്യമല്ല.
4. ആരോഗ്യനിക്ഷേപം
ആരോഗ്യ ചെലവിന്റെ ഉപയോഗം:
2016-17 ല്‍ 97.64% ആയിരുന്ന ചെലവിന്റെ ഉപയോഗം 2020-21 ല്‍ 93.28% ആയി കുറഞ്ഞു.
?48,735.92 കോടി ചെലവില്‍ ക്യാപിറ്റല്‍ എക്‌സ്‌പെന്‍ഡിറ്റര്‍ വെറും 4.24% മാത്രമാണ്.
നാഷണല്‍ ഹെല്‍ത്ത് പോളിസി, 2017-ല്‍ നിര്‍ദ്ദേശിച്ച 8% ബജറ്റ് ലക്ഷ്യം കുറഞ്ഞു.
5. കേന്ദ്ര സ്‌പോണ്‍സര്‍ ചെയ്ത പദ്ധതികള്‍
പ്രധാനമന്ത്രി ജനാരോഗ്യ പദ്ധതിയിലും (PMJAY):
ഇന്‍ഷുറന്‍സ് ക്ലെയിം നല്‍കുന്നതില്‍ ദീര്‍ഘകാലത്തെ താമസം.
ജില്ലാ യന്ത്രം, സ്റ്റേറ്റ് ലെവല്‍ നോട്ടമിട്ടു നടത്തുന്ന വിഭാഗങ്ങള്‍ നിലവില്‍ ഇല്ല.
ജനനി സുരക്ഷാ യോജന, ജനനി ശിശു സുരക്ഷാ കാര്യക്രം:
ലാഭദായകമല്ലാത്ത ഗുണഭോക്താക്കളുടെ എണ്ണം.
6. ചട്ടങ്ങളും നിയന്ത്രണവും
ക്ലിനിക്കല്‍ എസ്റ്റാബ്ലിഷ്മെന്റ്‌സ് നിയമം ശരിയായി നടപ്പാക്കപ്പെട്ടിട്ടില്ല.
ചില ബ്ലഡ് ബാങ്കുകള്‍ ലൈസന്‍സ് ഇല്ലാതെ പ്രവര്‍ത്തിക്കുന്നു.
ബയോ-മെഡിക്കല്‍ മാലിന്യ സംസ്‌കരണ കേന്ദ്രങ്ങള്‍ പ്രയാസത്തില്‍; കൂടുതല്‍ കേന്ദ്രങ്ങള്‍ ആവശ്യം.
റേഡിയോഗ്രാഫിക് ഉപകരണങ്ങള്‍ അറ്റോമിക് എനര്‍ജി റെഗുലേറ്ററി ബോര്‍ഡ് (AERB) ലൈസന്‍സ് ഇല്ലാതെ ഉപയോഗിക്കുന്നു.
7. സുസ്ഥിര വികസന ലക്ഷ്യങ്ങള്‍ (SDG-3)
SDG ലക്ഷ്യങ്ങള്‍ പൂര്‍ത്തിയാക്കാന്‍ ആക്ഷന്‍ പ്ലാന്‍/വിഷന്‍ ഡോക്യുമെന്റ് തയ്യാറാക്കിയിട്ടില്ല.
സംസ്ഥാന റാങ്കിംഗില്‍ 1-ല്‍ നിന്ന് 9-ാം സ്ഥാനത്തേക്ക് താഴ്ന്നു (2020-21).
ഔട്ട് ഓഫ് പോക്കറ്റ് (OoP) ചെലവുകള്‍ രാജ്യത്ത് 2-ാം സ്ഥാനത്ത് PPramod Kumar
മരണാനുപാതം (ആത്മഹത്യ, റോഡ് അപകടം) ദേശീയ ശരാശരിയെക്കാള്‍ ഉയര്‍ന്നു.
