ഹ്യൂസ്റ്റൺ ആകാശത്ത് ഇന്റെർസ്റ്റെല്ലർ സിനിമയിൽ കാണുന്ന പോലൊരു ഡ്രോൺ ടൈപ്പ് വിമാനം; പ്രദേശത്ത് കൂടി തലങ്ങും വിലങ്ങും പറക്കുന്ന കാഴ്ച; ലാൻഡിംഗ് സമയം ടെയിലിലെ ആ പേര് കണ്ട് അമ്പരപ്പ്; പെട്ടെന്ന് നെഞ്ചിടിപ്പിച്ച് 'കോൺഫീൽഡ്' സീനിലെ അതെ അപകടവും; എല്ലാവരും രക്ഷപ്പെട്ടത് ഭാഗ്യം കൊണ്ട്
ന്യൂയോർക്ക്: അമേരിക്കൻ ബഹിരാകാശ ഏജൻസിയായ നാസയുടെ അത്യാധുനിക ഗവേഷണ വിമാനം സാങ്കേതിക തകരാറിനെത്തുടർന്ന് അപകടത്തിൽപ്പെട്ടു. ഹ്യൂസ്റ്റണിനടുത്തുള്ള എല്ലിംഗ്ടൺ വിമാനത്താവളത്തിലാണ് നാസയുടെ WB-57 എന്ന വിമാനം അടിയന്തര ലാൻഡിംഗ് നടത്തിയത്. ലാൻഡിംഗ് ഗിയറിലുണ്ടായ മെക്കാനിക്കൽ തകരാറാണ് അപകടത്തിന് കാരണമായത്.
വിമാനം റൺവേയിൽ തെന്നിമാറുകയും തീപിടിക്കുകയും ചെയ്തെങ്കിലും വിമാനത്തിലുണ്ടായിരുന്ന രണ്ട് ജീവനക്കാരും അത്ഭുതകരമായി പരിക്കേൽക്കാതെ രക്ഷപ്പെട്ടു. ഹ്യൂസ്റ്റൺ ആകാശത്ത് കൂടി ഇന്റെർസ്റ്റെല്ലർ സിനിമയിൽ കാണുന്ന പോലൊരു ഡ്രോൺ ടൈപ്പ് വിമാനമാണ് ആളുകൾ ആദ്യം കണ്ടത്. പെട്ടെന്ന് വിമാനം ലാൻഡിങ്ങിനായി ശ്രമിക്കവേ ടെയിൽ എൻഡിൽ നാസയുടെ പേര് അക്ഷരാർത്ഥത്തിൽ അവർ ഞെട്ടി. കുറച്ച് കഴിഞ്ഞതും സിനിമയിലെ കോൺഫിൽഡ് ചാസിങ് സീനിൽ കാണുന്ന പോലെ കാഴ്ചയായിരുന്നു അവർ കണ്ടത്. വിമാനത്തിലെ ചക്രങ്ങൾ താഴേക്ക് വരാത്തത് കാരണം പൊടുന്നനെ ബെല്ലി ലാൻഡിംഗ് നടത്തുകയായിരുന്നു.
അപകടം നടന്നത് എങ്ങനെ?
ഉയർന്ന ഉയരത്തിൽ പറന്ന് അന്തരീക്ഷ ഗവേഷണം നടത്തുന്ന വിമാനമാണ് WB-57. പതിവ് ഗവേഷണ ദൗത്യത്തിന് ശേഷം ലാൻഡ് ചെയ്യാൻ ശ്രമിക്കുന്നതിനിടെയാണ് വിമാനത്തിന്റെ ലാൻഡിംഗ് ഗിയർ വിന്യസിക്കുന്നതിൽ തകരാർ ശ്രദ്ധയിൽപ്പെട്ടത്. ഗിയർ ശരിയായ രീതിയിൽ പ്രവർത്തിക്കാത്തതിനെത്തുടർന്ന് വിമാനം നിയന്ത്രണം വിട്ട് റൺവേയിലൂടെ തെന്നിമാറുകയായിരുന്നു.
സോഷ്യൽ മീഡിയയിൽ പ്രചരിക്കുന്ന വീഡിയോകളിൽ വിമാനം റൺവേയിൽ ഉരസി നീങ്ങുമ്പോൾ അടിവശത്തുനിന്ന് തീപ്പൊരികളും പുകയും ഉയരുന്നത് വ്യക്തമായി കാണാം. വിമാനം നിന്നതിന് പിന്നാലെ ചിറകുകൾക്കടിയിൽ നിന്ന് ചെറിയ രീതിയിൽ തീജ്വാലകളും ഉയർന്നു. ഉടൻ തന്നെ സ്ഥലത്തെത്തിയ അഗ്നിശമന സേനാംഗങ്ങൾ തീ നിയന്ത്രണവിധേയമാക്കി.
സുരക്ഷാ നടപടികൾ
അപകടം നടന്നയുടൻ തന്നെ വിമാനത്താവളത്തിൽ അതീവ ജാഗ്രത പ്രഖ്യാപിച്ചു. കോക്ക്പിറ്റ് ഹാച്ച് തുറന്ന നിലയിൽ റൺവേയിൽ നിർത്തിയിട്ടിരിക്കുന്ന വിമാനത്തിന് സമീപത്തേക്ക് മിനിറ്റുകൾക്കുള്ളിൽ അടിയന്തര രക്ഷാസേന എത്തിച്ചേർന്നു.
വിമാനത്തിലുണ്ടായിരുന്ന രണ്ട് ക്രൂ അംഗങ്ങളും സുരക്ഷിതരാണെന്നും അവർക്ക് വൈദ്യസഹായം നൽകിയതായും നാസ ഔദ്യോഗികമായി അറിയിച്ചു. സംഭവത്തിൽ മെക്കാനിക്കൽ പ്രശ്നമുണ്ടായതായി നാസ സ്ഥിരീകരിച്ചു. അപകടത്തിന്റെ കൃത്യമായ കാരണം കണ്ടെത്താൻ ഉന്നതതല അന്വേഷണത്തിന് ഉത്തരവിട്ടിട്ടുണ്ട്.
എന്താണ് WB-57 വിമാനങ്ങളുടെ പ്രത്യേകത?
1970-കൾ മുതൽ നാസയുടെ ഗവേഷണ ദൗത്യങ്ങളിൽ ഒഴിവാക്കാനാവാത്ത സാന്നിധ്യമാണ് WB-57 വിമാനങ്ങൾ. ഇവയുടെ സവിശേഷതകൾ പരിശോധിക്കുമ്പോൾ അപകടത്തിന്റെ വ്യാപ്തി വ്യക്തമാകും:
ഉയർന്ന ഉയരത്തിലുള്ള പറക്കൽ: സാധാരണ വിമാനങ്ങൾക്ക് എത്താൻ കഴിയാത്ത ഉയരത്തിൽ (High Altitude) പറന്ന് അന്തരീക്ഷ പഠനങ്ങൾ നടത്താൻ ഇവയ്ക്ക് പ്രത്യേക കഴിവുണ്ട്.
ആറ് മണിക്കൂറിലധികം തുടർച്ചയായി പറക്കാൻ കഴിയുന്ന ഈ വിമാനങ്ങൾ കാലാവസ്ഥാ വ്യതിയാനം, ഓസോൺ പാളിയിലെ മാറ്റങ്ങൾ തുടങ്ങിയവ പഠിക്കാനാണ് പ്രധാനമായും ഉപയോഗിക്കുന്നത്.
അത്യാധുനിക ക്യാമറകളും സെൻസറുകളും ഘടിപ്പിക്കാവുന്ന ഈ വിമാനം ശാസ്ത്രലോകത്തിന് നൽകുന്ന വിവരങ്ങൾ വളരെ വലുതാണ്.
പഴയതാണെങ്കിലും നാസയുടെ പ്രധാന ഗവേഷണ ഉപകരണമായി ഇപ്പോഴും ഈ വിമാനത്തെ കണക്കാക്കുന്നു. ഇത്തരം ഒരു വിമാനത്തിനുണ്ടായ സാങ്കേതിക തകരാർ ഗൗരവത്തോടെയാണ് നാസ നോക്കിക്കാണുന്നത്.
ഹ്യൂസ്റ്റണിലെ എല്ലിംഗ്ടൺ വിമാനത്താവളത്തിൽ നടന്ന ഈ അപകടം വലിയൊരു ദുരന്തത്തിൽ നിന്നാണ് ഒഴിവായത്. വിമാനം റൺവേയിൽ നിന്ന് പുറത്തേക്ക് മാറാതിരുന്നതും അഗ്നിശമന സേനയുടെ സമയോചിതമായ ഇടപെടലും നാശനഷ്ടങ്ങൾ കുറച്ചു. അന്വേഷണം പൂർത്തിയാകുന്നതുവരെ ഈ വിഭാഗത്തിൽപ്പെട്ട മറ്റ് വിമാനങ്ങളുടെ പ്രവർത്തനങ്ങളിൽ കൂടുതൽ ജാഗ്രത പാലിക്കാൻ നാസ നിർദ്ദേശിച്ചിട്ടുണ്ട്.
