ഏതോതോ കഥയിലെ...വേടനായി ശാപമായി..കരളില്‍ ധാരാളമായി..! കുറിപ്പില്‍ 'ഡിക്യു' അഭിനയിച്ച് തകര്‍ത്ത ആ സീനുകളില്‍ ഇപ്പോള്‍ കാണുന്നത് മറ്റൊരാളുടെ മുഖം; സിനിമയില്‍ മാത്രമല്ല റിയല്‍ ലൈഫിലും ഇതൊക്കെ നടക്കുമെന്ന് തെളിയിച്ച് രാഹുല്‍; വാണ്ടഡ് ചിത്രം തൂക്കി മകനെ മടങ്ങി വരൂ..എന്നപ്രാര്‍ത്ഥനയും; ചിരി പടര്‍ത്തി ട്രോളുകള്‍
തിരുവനന്തപുരം: ലൈംഗികാതിക്രമ പരാതിയിൽ പ്രതിസ്ഥാനത്ത് നിൽക്കുന്ന എം.എൽ.എ രാഹുൽ മാങ്കൂട്ടത്തിനെതിരായ പ്രതിഷേധം കടുപ്പിച്ച് വിദ്യാർത്ഥി സംഘടനയായ എസ്.എഫ്.ഐ. രാഹുലിന്റെ ചിത്രം കോഴിക്കൂട്ടിലടക്കം വെച്ചുകൊണ്ടുള്ള വേറിട്ട പ്രചാരണമാണ് എസ്.എഫ്.ഐ സംസ്ഥാനത്തുടനീളം നടത്തുന്നത്. അതേസമയം, കേസിൽ അറസ്റ്റ് ഒഴിവാക്കാനായി രാഹുൽ സമർപ്പിച്ച മുൻകൂർ ജാമ്യ ഹർജി പ്രിൻസിപ്പൽ ജില്ലാ സെഷൻസ് കോടതി ബുധനാഴ്ച പരിഗണിക്കും.
പാലക്കാട്ടെ കോൺഗ്രസ് ഗ്രൂപ്പ് യോഗത്തിൽ 'കോഴി'യെ കൂട്ടിലടച്ച നിലയിൽ രാഹുലിന്റെ ചിത്രം പതിപ്പിച്ച പോസ്റ്റർ വെച്ചായിരുന്നു എസ്.എഫ്.ഐ പ്രവർത്തകരുടെ വേറിട്ട പ്രതിഷേധം. "പീഡന വീരൻ രാഹുൽ മാങ്കൂട്ടത്തിലിനെ എത്രയും പെട്ടെന്ന് പോലീസ് അറസ്റ്റ് ചെയ്യുക" എന്ന് ആവശ്യപ്പെട്ടുകൊണ്ട് എസ്.എഫ്.ഐ എടക്കാട് ഏരിയ കമ്മിറ്റിയുടെ നേതൃത്വത്തിൽ എടക്കാട് ടൗണിൽ ലുക്ക് ഔട്ട് നോട്ടീസ് വിതരണം ചെയ്യുകയും ചെയ്തു.
അറസ്റ്റ് ഭയന്ന് ഒളിവിലാണെന്ന് ആരോപിക്കപ്പെടുന്ന രാഹുൽ മാങ്കൂട്ടത്തിലിനെ ട്രോളിക്കൊണ്ടുള്ള പ്രതിഷേധത്തിന് സമൂഹമാധ്യമങ്ങളിലും വലിയ സ്വീകാര്യതയാണ് ലഭിക്കുന്നത്. 'മകനെ മടങ്ങി വരൂ' എന്ന തലക്കെട്ടോടെയും, 'കുറുപ്പ്' സിനിമയിലെ രംഗങ്ങളെയും ഡയലോഗുകളെയും ഉപയോഗിച്ചുള്ള ട്രോളുകളും സാമൂഹിക മാധ്യമങ്ങളിൽ നിറഞ്ഞു കഴിഞ്ഞു.
ലൈംഗികാതിക്രമത്തിന് ഇരയായ യുവതിയുടെ പരാതിയെ തുടർന്ന് കേസെടുത്ത പോലീസ് രാഹുൽ മാങ്കൂട്ടത്തിനെതിരെ അന്വേഷണം ഊർജ്ജിതമാക്കിയിരിക്കുകയാണ്.
പോലീസ് തിരച്ചിൽ ഊർജ്ജിതമാക്കിയ സാഹചര്യത്തിലും രാഹുൽ മാങ്കൂട്ടത്തിൽ ഒളിവിൽ തുടരുകയാണ്. എങ്കിലും, വെള്ളിയാഴ്ച രാഹുൽ തിരുവനന്തപുരത്തെ തന്റെ അഭിഭാഷകന്റെ ഓഫീസിൽ നേരിട്ടെത്തി ജാമ്യ ഹർജിയിൽ ഒപ്പിട്ടതായാണ് വിവരം.
അറസ്റ്റ് ചെയ്യുന്നതിന് കോടതി ഇതുവരെ ഒരു തടസ്സവും ഉന്നയിച്ചിട്ടില്ലെങ്കിലും, മുൻകൂർ ജാമ്യം തേടിക്കൊണ്ടുള്ള രാഹുലിന്റെ നീക്കം നിയമപോരാട്ടത്തിൽ നിർണായകമാണ്. ജാമ്യഹർജിയിൽ കോടതി എടുക്കുന്ന നിലപാട് അനുസരിച്ചായിരിക്കും പോലീസിന്റെ അടുത്ത നീക്കങ്ങൾ.
