കൊല്ക്കത്തയില് വച്ച് മാതാപിതാക്കള് നഷ്ടമായപ്പോള് ദത്തെടുത്ത് വളര്ത്തിയത് യുവതിയുടെ കുടുംബം; കുടുംബത്തോടുള്ള അമിതമായ സ്നേഹവും സംരക്ഷണ മനോഭാവവും മുന് സൈനികന് കൊലയാളിയാക്കി; ആ തോക്ക് കിട്ടിയത് ഗുജറാത്ത് അതിര്ത്തിയില് നിന്ന്; സഹോദരിയോടുള്ള അമിതമായ സംരക്ഷണ മനോഭാവം വെടിയൊച്ചയായി; ജയന് ശിവാനന്ദന് നായര് കുറ്റസമ്മതം നടത്തുമ്പോള്
താനെ: വളര്ത്തമ്മയുടെ മകളെ ശല്യം ചെയ്തെന്നാരോപിച്ച് താനെ മുമ്പ്രയില് മൂന്ന് യുവാക്കള്ക്ക് നേരെ വെടിയുതിര്ത്ത സംഭവത്തില് കൂടുതല് വിവരങ്ങള് പുറത്ത്. കൊല്ക്കത്തയില് വെച്ച് ഒമ്പതാം വയസ്സില് മാതാപിതാക്കളെ നഷ്ടപ്പെട്ട ജയനെ ഈ യുവതിയുടെ കുടുംബമാണ് ദത്തെടുത്ത് വളര്ത്തിയത്. കുടുംബത്തോടുള്ള അമിതമായ സ്നേഹവും സംരക്ഷണ മനോഭാവവുമാണ് ജയനെ ഇത്തരമൊരു കടുംകൈ ചെയ്യാന് പ്രേരിപ്പിച്ചതെന്ന് പോലീസ് കരുതുന്നു.
കൊലപാതകത്തിന് ഉപയോഗിച്ച നാടന് തോക്ക് പോലീസ് കണ്ടെടുത്തിട്ടുണ്ട്. ഗുജറാത്ത് അതിര്ത്തിക്കടുത്തുള്ള വിജനമായ സ്ഥലത്തുനിന്നാണ് തനിക്ക് ഈ തോക്ക് ലഭിച്ചതെന്നാണ് പ്രതി പോലീസിന് നല്കിയ മൊഴി. കഴിഞ്ഞ കുറച്ചുദിവസങ്ങളായി താനെ മേഖലയില് തുടര്ച്ചയായുണ്ടാകുന്ന വെടിവെപ്പ് സംഭവങ്ങള് വലിയ ക്രമസമാധാന പ്രശ്നമായി മാറിയിരിക്കുകയാണ്. ഏതാനും ദിവസങ്ങള്ക്ക് മുന്പ് റീല് താരം ബാബ ഖാന് ഉള്പ്പെട്ട സംഘം പോലീസിന് നേരെ വെടിയുതിര്ത്തതും പഞ്ച്പഖാഡിയിലുണ്ടായ മറ്റൊരു വെടിവെപ്പും ജനങ്ങളെ ഭീതിയിലാഴ്ത്തിയിട്ടുണ്ട്. ഒരു മാസത്തിനിടെ മൂന്ന് വെടിവെപ്പ് കേസുകള് റിപ്പോര്ട്ട് ചെയ്തതോടെ താനെയിലെ സുരക്ഷാ സംവിധാനങ്ങള്ക്കെതിരെ വ്യാപകമായ പ്രതിഷേധം ഉയരുന്നുണ്ട്. മുമ്പ്ര പോലീസ് കേസില് കൂടുതല് അന്വേഷണം നടത്തിവരികയാണ്.
സ്കൂളിലെ കെയര്ടേക്കറായി ജോലി ചെയ്യുന്ന വളര്ത്തുസഹോദരിയെ യുവാക്കള് ശല്യം ചെയ്തതാണ് ജയനെ പ്രകോപിപ്പിച്ചത്. സ്കൂള് വളപ്പിലെ വാഴ വെട്ടുന്നതുമായി ബന്ധപ്പെട്ട് യുവാക്കളും യുവതിയും തമ്മില് നേരത്തെ തര്ക്കമുണ്ടായിരുന്നു. തന്നെ യുവാക്കള് അപമാനിച്ച വിവരം യുവതി ജയനെ അറിയിച്ചതോടെ ഇയാള് തോക്കുമായി സ്ഥലത്തെത്തുകയായിരുന്നു. ഏകദേശം അഞ്ച് റൗണ്ട് വെടിയുതിര്ത്തതായാണ് പ്രാഥമിക വിവരം. വെടിവെപ്പിന് ശേഷം ഒളിവില് പോയ ജയനെ മുമ്പ്ര പോലീസ് പിന്തുടര്ന്ന് പിടികൂടുകയായിരുന്നു. തോക്ക് കണ്ടെടുത്ത് ഫോറന്സിക് പരിശോധനയ്ക്ക് അയച്ചു.
ചെറുപ്പത്തില് മാതാപിതാക്കളെ നഷ്ടപ്പെട്ട ജയനെ ഈ യുവതിയുടെ കുടുംബമാണ് ദത്തെടുത്ത് വളര്ത്തിയത്. സഹോദരിയോടുള്ള അമിതമായ സംരക്ഷണ മനോഭാവമാണ് മുന് സൈനികന് കൂടിയായ ഇയാളെ നിയമം കൈയ്യിലെടുക്കാന് പ്രേരിപ്പിച്ചത്. മുമ്പ്ര കൈലാസ് നഗറിലെ സുമതിബായ് ചവാന് ഹിന്ദി പ്രൈമറി സ്കൂളിന് സമീപം വ്യാഴാഴ്ച രാവിലെ 11:30-ഓടെയാണ് സംഭവം. സംഭവത്തില് പ്രതിയായ ജയന് ശിവാനന്ദന് നായരെ (51) മുമ്പ്ര പോലീസ് അറസ്റ്റ് ചെയ്തു. വെടിയേറ്റവരില് അക്ബര് അബ്ദുല് ഷെയ്ഖ് ചികിത്സയിരിക്കെ മരണപ്പെട്ടു. പരിക്കേറ്റ മറ്റു രണ്ടുപേരുടെ നില നിലവില് തൃപ്തികരമാണെന്ന് പോലീസ് അറിയിച്ചു.
സ്കൂള് വളപ്പിലെ വാഴ വെട്ടുന്നതിനെച്ചൊല്ലിയുണ്ടായ ചെറിയ തര്ക്കമാണ് വലിയ ദുരന്തത്തില് കലാശിച്ചത്. സ്കൂളിലെ കെയര് ടേക്കറായ യുവതിയും മൂന്ന് യുവാക്കളും തമ്മില് ഇതുസംബന്ധിച്ച് തര്ക്കമുണ്ടായിരുന്നു. ഈ സമയത്ത് യുവാക്കള് തന്നെ ശല്യം ചെയ്തതായി യുവതി ജയനോട് പരാതിപ്പെട്ടു. ഇതില് പ്രകോപിതനായ ജയന് കയ്യിലുണ്ടായിരുന്ന നാടന് തോക്കെടുത്ത് യുവാക്കള്ക്ക് നേരെ വെടിയുതിര്ക്കുകയായിരുന്നുവെന്ന് മുമ്പ്ര സീനിയര് ഇന്സ്പെക്ടര് അനില് ഷിന്ഡെ പറഞ്ഞു.
ഒരു മാസത്തിനിടെ മൂന്ന് വെടിവെപ്പ് കേസുകള് റിപ്പോര്ട്ട് ചെയ്തതോടെ താനെയിലെ സുരക്ഷാ സംവിധാനങ്ങള്ക്കെതിരെ വ്യാപകമായ പ്രതിഷേധം ഉയരുന്നുണ്ട്. മുമ്പ്ര പോലീസ് കേസില് കൂടുതല് അന്വേഷണം നടത്തിവരികയാണ്. മേഖലയില് കഴിഞ്ഞ കുറച്ചുദിവസങ്ങളായി വെടിവെപ്പ് സംഭവങ്ങള് പതിവാകുന്നത് വലിയ ആശങ്കയുണ്ടാക്കുന്നുണ്ട്. റീല് താരം ബാബ ഖാന് ഉള്പ്പെട്ട സംഘം പോലീസിനെ ആക്രമിച്ച സംഭവത്തിന് പിന്നാലെയാണ് ഈ പുതിയ കൊലപാതകം.
