കോണ്ഗ്രസില് വാളെടുത്തവരെല്ലാം വെളിച്ചപ്പാടെന്ന് സ്ഥിതി! നിയമസഭാ സീറ്റ് കിട്ടാത്തതില് പ്രതിഷേധിച്ചു കെഎസ്യു സംസ്ഥാന അധ്യക്ഷന് അലോഷ്യസ് സേവ്യര് രാജിക്കൊരുങ്ങി; അനുനയിപ്പിച്ചു നേതാക്കള്; രാജിവാര്ത്തകള് അവസ്ഥവമെന്ന് അലോഷ്യസ് സേവ്യര്
കോണ്ഗ്രസില് വാളെടുത്തവരെല്ലാം വെളിച്ചപ്പാടെന്ന് സ്ഥിതി!
കൊച്ചി: കോണ്ഗ്രസില് പൊട്ടിത്തെറി തുടരുന്നു. സീറ്റ് കിട്ടാത്തതില് പ്രതിഷേധിച്ച് കെ എസ് യു സംസ്ഥാന അധ്യക്ഷന് അലോഷ്യസ് സേവ്യര് രാജിവെക്കാന് ഒരുങ്ങി. നേതാക്കള് ഇടപെട്ട് അനുനയിപ്പിച്ചു. ഇടുക്കി, പൂഞ്ഞാര് സീറ്റുകളിലേക്കാണ് അലോഷ്യസിനെ പരിഗണിച്ചിരുന്നത്. കെഎസ്യുവിന്റെ സംസ്ഥാന പ്രസിഡന്റായി പ്രവര്ത്തിച്ചുകൊണ്ടിരിക്കുന്ന കാലയളവില്, പാര്ട്ടിയുടെ മൂല്യങ്ങള്ക്കും, ജനാധിപത്യത്തിനും, മതനിരപേക്ഷതയ്ക്കും വേണ്ടി അനവധി സമരങ്ങള് നയിക്കാന് തനിക്ക് അവസരം ലഭിച്ചുവെന്നും കഴിഞ്ഞ പത്ത് വര്ഷങ്ങളായി സംസ്ഥാനത്ത് സര്ക്കാരിന്റെ ജനവിരുദ്ധ നയങ്ങള്ക്കെതിരെ തെരുവുകളില് പോരാടിയെന്നും അലോഷ്യസ് സേവ്യര് പ്രസ്താവനയില് അറിയിച്ചവെന്നാണ് വാര്ത്തകള് വന്നത്.
പോലീസ് അതിക്രമങ്ങള് നേരിട്ട്, ജയിലുകളില് കിടന്നത് കെഎസ്യു പ്രവര്ത്തകരാണ്. എന്നാല്, ഈ സമരങ്ങളുടെ ആത്മാവും ത്യാഗവും പരിഗണിക്കാതെ, വരുന്ന നിയമസഭാ തിരഞ്ഞെടുപ്പില് കെഎസ്യുവിന് അര്ഹമായ പ്രാതിനിധ്യം നല്കാതിരുന്നതില് ഞാന് അതീവ നിരാശയും പ്രതിഷേധവും രേഖപ്പെടുത്തുന്നു അദ്ദേഹം വ്യക്തമാക്കി. വരാന് പോകുന്ന നിയമസഭാ തിരഞ്ഞെടുപ്പില് മുഴുവന് കെഎസ്യു പ്രവര്ത്തകരും തങ്ങളുടെ നിയോജകമണ്ഡലത്തില് സജീവമായി പ്രവര്ത്തനം നടത്തി ഈ മുന്നണിയെ അധികാരത്തില് എത്തിക്കാനുള്ള ശ്രമങ്ങള് നടത്തണമെന്ന് അഭ്യര്ഥിക്കുന്നുവെന്നും അദ്ദേഹം വ്യക്തമാക്കി.
അതേസമയം രാജിവാര്ത്തകള് പുറത്തുവന്നതോടെ അത് തള്ളി അലോഷ്യസ് സേവ്യര് ഫേസ്ബുക്കില് പോസ്റ്റിട്ടു. കെഎസ.യു സംസ്ഥാന പ്രസിഡന്റ് ചുമതലയില് നിന്നും രാജി നല്കിയിട്ടില്ലെന്ന് അദ്ദേഹം ഫേസ്ബുക്ക് പോസ്റ്റില് അറിയിച്ചു.
ഫേസ്ബുക്ക് പോസ്റ്റ് ഇങ്ങനെ:
കെഎസ.യു സംസ്ഥാന പ്രസിഡന്റ് ചുമതലയില് നിന്നും രാജി നല്കിയിട്ടില്ല. കെഎസ്യു സംസ്ഥാന പ്രസിഡന്റ് ആയനാള് മുതല് ഇന്നുവരെ, എനിക്കു വേണ്ടിയോ എന്റെ പേരിനു വേണ്ടിയോ ഒന്നും ചെയ്തിട്ടില....!
പ്രവര്ത്തനം ആകെയും സംഘടനക്ക് വേണ്ടിയായിരുന്നു...!
ഇടുക്കിയുടെ മലയോര മേഖലയില് നിന്നും വരുന്ന എന്നെ സമ്പാദിച്ചടുത്തോളം ഓരോ നിമിഷവും പോരാട്ടങ്ങളുടേത് ആയിരുന്നു...!
ഓരോ വാക്കിലും നോക്കിലും പ്രവര്ത്തിയിലും കെഎസ്യു വിന്റെ മുന്നേറ്റവും പാര്ട്ടി അധികാരത്തില് വരിക എന്നതും ആയിരുന്നു എന്റെ ജീവിതത്തിന്റെ ആഹാരം...!
എന്റെ സഹപ്രവര്ത്തകര് പോലീസിന്റ അക്രമം ഏറ്റുവാങ്ങുമ്പോഴും സിപിഎം ക്രിമിനലുകളാല് വേട്ടയാടപെടുമ്പോഴും...!
സഹപ്രവര്ത്തകരുടെ വികാരം എന്റെ ഹൃദയ വികാരമായി കണ്ടാണ് ഞാന് മുന്പോട്ട് പോയത്...!
വാര്ത്തകള് ഇപ്പോളാണ് ശ്രദ്ധയില് പെട്ടത്, വാര്ത്തകള് അല്ലല്ലോ വസ്തുതകള്...!
എന്റെ ഹൃദയ തുടിപ്പാണ് കെഎസ്യു...!
എന്നിലെ ജീവ ശ്വാസമാണ് എന്റെ പാര്ട്ടി...!
