വിജയ് യുടെ തനിനിറം പുറത്ത്! സ്വന്തം ഭാര്യയും മക്കളും തള്ളിപ്പറഞ്ഞതോടെ രണ്ടിലൊന്ന് അറിയാൻ നടൻ; ചെന്നൈയിലെ തന്റെ വിലപിടിപ്പുള്ള സ്വത്തുക്കൾ ഓരോന്നായി വിൽക്കുന്നതായി റിപ്പോർട്ടുകൾ; ഒരു 35 കോടിക്ക് ഡീൽ നടന്നുവെന്നും വെളിപ്പെടുത്തൽ; വെറും കയ്യോടെ ബന്ധം പിരിയില്ലെന്ന് പറഞ്ഞ സംഗീതയ്ക്ക് ഇനി കഷ്ടക്കാലമോ?
ചെന്നൈ: തമിഴ്നാട് രാഷ്ട്രീയത്തിൽ വലിയ പ്രതീക്ഷകളുമായി ചുവടുവെച്ച നടൻ വിജയ് ഇപ്പോൾ അത്യന്തം സങ്കീർണ്ണമായ വ്യക്തിജീവിത-പ്രതിസന്ധികളിലൂടെയാണ് കടന്നുപോകുന്നത്. വരാനിരിക്കുന്ന നിയമസഭാ തിരഞ്ഞെടുപ്പിൽ തന്റെ പാർട്ടിയായ 'തമിഴക വെട്രി കഴക'ത്തിലൂടെ കന്നിയങ്കത്തിനൊരുങ്ങുന്ന താരത്തിന് ചുറ്റും വിവാദങ്ങളുടെയും തിരിച്ചടികളുടെയും ഒരു വലിയ നിര തന്നെയുണ്ട്. ഇതിൽ ഏറ്റവും പ്രധാനപ്പെട്ടത് ഭാര്യ സംഗീതയുമായുള്ള വിവാഹമോചന വാർത്തകളാണ്.
സംഗീത നൽകിയ വിവാഹമോചന ഹർജി വിജയ്യുടെ രാഷ്ട്രീയ പ്രതിച്ഛായയെ സാരമായി ബാധിച്ചിട്ടുണ്ടെന്നാണ് രാഷ്ട്രീയ നിരീക്ഷകരുടെ വിലയിരുത്തൽ. കാരൂർ ദുരന്തവുമായി ബന്ധപ്പെട്ട് വിജയ്ക്കെതിരെ ഉയർന്ന വിമർശനങ്ങൾക്ക് പിന്നാലെയാണ് കുടുംബപ്രശ്നങ്ങളും ചർച്ചയായത് എന്നത് താരത്തിന് ഇരട്ടി പ്രഹരമായി. ഇതിനിടയിൽ, വിജയ്യുടെ അവസാന സിനിമയായി കരുതപ്പെടുന്ന 'ജനനായകന്റെ' റിലീസും അനിശ്ചിതത്വത്തിലായതോടെ സിനിമാ-രാഷ്ട്രീയ ഭാവിയെക്കുറിച്ച് പലവിധ പ്രവചനങ്ങൾ ഉയരുന്നുണ്ട്.
ഏറ്റവും ഒടുവിൽ പുറത്തുവരുന്ന റിപ്പോർട്ടുകൾ പ്രകാരം വിജയ് തന്റെ ചെന്നൈയിലുള്ള പ്രധാന സ്വത്തുക്കളിൽ പലതും വിറ്റഴിച്ചുകൊണ്ടിരിക്കുകയാണ്. അണ്ണാനഗറിലെ ഒരു പ്രോപ്പർട്ടി ഏകദേശം 35 കോടി രൂപയ്ക്കാണ് താരം വിറ്റതെന്നാണ് വിവരം. ഏകദേശം ഒരു വർഷമായി ഈ വിൽപനയുമായി ബന്ധപ്പെട്ട ചർച്ചകൾ നടക്കുന്നുണ്ടായിരുന്നെങ്കിലും, ഇപ്പോൾ പെട്ടെന്ന് കരാർ ഉറപ്പിച്ചത് വലിയ ചർച്ചകൾക്ക് വഴിമാറി. സമാനമായ രീതിയിൽ മറ്റ് രണ്ട് വസ്തുവകകൾ കൂടി വിൽക്കാനുള്ള നീക്കങ്ങൾ നടക്കുന്നുണ്ട്. എന്നാൽ ഈ പണം പാർട്ടി ഫണ്ടിന് വേണ്ടിയല്ല എന്നാണ് സൂചനകൾ.
ഇതിന് പിന്നിൽ പ്രധാനമായും രണ്ട് കാരണങ്ങളാണ് പറയപ്പെടുന്നത്. ഒന്ന്, സംഗീതയുമായുള്ള വിവാഹമോചനത്തെത്തുടർന്ന് നൽകേണ്ടി വരുന്ന ഭീമമായ ജീവനാംശം മുൻകൂട്ടി കണ്ടുകൊണ്ടുള്ള നീക്കമാണിത്. 27 വർഷത്തെ ദാമ്പത്യം, മക്കളുടെ വിദ്യാഭ്യാസം, ഭാവി എന്നിവ പരിഗണിക്കുമ്പോൾ വലിയൊരു തുക വിജയ് നൽകേണ്ടി വരും. സ്വത്തുക്കളിൽ അവകാശവാദം ഉന്നയിക്കാൻ സംഗീതയ്ക്ക് സാധിക്കുമെന്നതിനാൽ, അത് ഒഴിവാക്കാൻ മുൻകൂട്ടി സ്വത്തുക്കൾ പണമാക്കി മാറ്റുകയാണെന്നാണ് ഒരു വിഭാഗം വിശ്വസിക്കുന്നത്.
മറ്റൊരു പ്രധാന കാരണം രാഷ്ട്രീയമാണ്. തിരഞ്ഞെടുപ്പിൽ മത്സരിക്കുമ്പോൾ സ്ഥാനാർത്ഥികൾ തങ്ങളുടെ സ്വത്ത് വിവരങ്ങൾ സത്യവാങ്മൂലത്തിലൂടെ വെളിപ്പെടുത്തേണ്ടതുണ്ട്. സത്യവാങ്മൂലത്തിൽ കാണിക്കുന്ന സമ്പത്ത് കുറയ്ക്കാനായിരിക്കാം ഇത്തരത്തിൽ ബിനാമി പേരുകളിലേക്കോ പണമായോ സ്വത്തുക്കൾ മാറ്റുന്നതെന്ന് രാഷ്ട്രീയ നിരീക്ഷകർ കരുതുന്നു. ഇതിനിടെ, വിജയ്യുടെ കുടുംബജീവിതത്തെക്കുറിച്ചുള്ള ഞെട്ടിക്കുന്ന വെളിപ്പെടുത്തലുകളും പുറത്തുവരുന്നുണ്ട്.
തമിഴ് ഫിലിം ജേർണലിസ്റ്റ് ബാലാജി പ്രഭു പറയുന്നത് പ്രകാരം, വിജയ്യും സംഗീതയും ഏറെക്കാലമായി ഒരേ വീട്ടിൽ അകൽച്ചയിലാണ് കഴിയുന്നത്. 2021 മുതൽ വിജയ് വീടിന്റെ താഴത്തെ നിലയിലും സംഗീത മുകളിലത്തെ നിലയിലുമാണ് താമസിക്കുന്നത്. ഇവർ തമ്മിൽ നേരിട്ട് സംസാരിക്കാറില്ലെന്നും, ഒരു സ്ത്രീ എന്ന നിലയിൽ സംഗീത നേരിടുന്നത് വലിയ അനീതിയാണെന്നുമാണ് അദ്ദേഹം വെളിപ്പെടുത്തിയത്. രാഷ്ട്രീയത്തിൽ തിളങ്ങാൻ ഒരുങ്ങുന്ന വിജയ്ക്ക് ഈ കുടുംബകലഹങ്ങൾ വരുംദിവസങ്ങളിൽ വലിയ വെല്ലുവിളി ഉയർത്തുമെന്ന് ഉറപ്പാണ്.
