കണ്ണുർ: പതിനാറു വയസുകാരിയെ പീഡിപ്പിച്ച കേസിൽ യുവാവ് അറസ്റ്റിൽ പയ്യന്നുർ കണ്ടോത്ത് താമസിക്കുന്ന ഷിബിൻ സാബുവിനെയാ (26)ണ് പയ്യന്നൂർ പൊലിസ് ഇൻസ്‌പെക്ടർ മഹേഷ് കെ നായർ അറസ്റ്റു ചെയ്തത്. കണ്ടോത്ത് സ്വദേശിനിയായ 16 വയസുകാരിയുടെ രക്ഷിതാക്കൾ നൽകിയ പരാതിയിലാണ് യുവാവിനെ തിരെ പോക്‌സോ ചുമത്തി കേസെടുത്തത്.

2020 നവംബർ മാസത്തിലാണ് കേസിനാസ്പദമായ സംഭവം നടന്നത്. ഇതിനു ശേഷം ഒളിവിൽ പോയ പ്രതിയെ ഒൻപതു മാസത്തിനു ശേഷമാണ് പിടികൂടിയത് കണ്ടോത്ത് കൃസ്ത്യൻ ദേവാലയത്തിന് സമീപത്തുള്ള മുറിയിൽ വെച്ചു പെൺകുട്ടിയെ ലൈംഗിക ചൂഷണത്തിനിരയാക്കിയെന്നാണ് കേസ്.പയ്യന്നുർ കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.