ആയുഷ് മാത്രെയും ബ്രവിസും ദുബെയും തിളങ്ങി; രാജസ്ഥാന് 188 റണ്‍സ് വിജലക്ഷ്യം മുന്നോട്ട് വച്ച് ചെന്നൈ സൂപ്പര്‍ കിങ്‌സ്; യുധ്വിര്‍ സിങ്ങിന് മൂന്ന് വിക്കറ്റ്
ന്യൂഡല്‍ഹി: പ്ലേ ഓഫ് എത്താന്‍ സാധിച്ചില്ലെങ്കിലും ചെന്നൈ സൂപ്പര്‍ കിംഗ്‌സ് രാജസ്ഥാന് മുന്നോട്ട് വെച്ച വിജയലക്ഷ്യം 188 റണ്‍സ്. ആദ്യം ബാറ്റ് ചെയ്ത ചെന്നൈ നിശ്ചിത 20 ഓവറില്‍ എട്ട് വിക്കറ്റ് നഷ്ടത്തില്‍ 187 റണ്‍സ് നേടുകയായിരുന്നു. ആയുഷ് മാത്രെ, ശിവം ദുബെ, ഡെവാള്‍ഡ് ബ്രവിസ് എന്നിവര്‍ ചേര്‍ന്നൊരുക്കിയ നിലനില്‍പ്പാണ് ചെന്നൈയെ മത്സരത്തില്‍ മതിയായ സ്‌കോറിലേക്ക് നയിച്ചത്.
ടോസ് നഷ്ടപ്പെട്ട് ബാറ്റിംഗിന് ഇറങ്ങിയ ചെന്നൈയ്ക്ക് തുടക്കം മികച്ചതായിരുന്നില്ല. 12 റണ്‍സിനുള്ളില്‍ തന്നെ ഡെവോണ്‍ കോണ്‍വേ (10), ഉര്‍വില്‍ പട്ടേല്‍ (0) എന്നീ ഓപ്പണര്‍മാരെ യുധ്വിര്‍ സിങ് മടക്കി. പിന്നീട് ഇറങ്ങിയ ആയുഷ് മാത്രെ എന്ന യുവതാരം മികവാര്‍ന്ന ബാറ്റിംഗ് പ്രകടനം കാഴ്ചവെച്ച് ചെന്നൈയെ രക്ഷിച്ചു. 20 പന്തില്‍ നിന്ന് 43 റണ്‍സ് നേടിയ താരം സ്‌കോര്‍ബോര്‍ഡിന് നീക്കം വെപ്പിച്ചത്.
അടുത്തതായി, അശ്വിന്‍ (13), ജഡേജ (1) എന്നിവരും പെട്ടെന്ന് പുറത്തായതോടെ ചെന്നൈ വീണ്ടും പിരിമുറുക്കത്തിലായി 78 റണ്‍സിന് അഞ്ചു വിക്കറ്റ് നഷ്ടം. എന്നാല്‍ ഡെവാള്‍ഡ് ബ്രവിസ് (25 പന്തില്‍ 42), ശിവം ദുബെ (39), ധോനി (17 പന്തില്‍ 16) എന്നിവരുടെ വാലിലെ മികവാണ് ടീമിനെ 187 റണ്‍സിലേയ്ക്ക് നയിച്ചത്. രാജസ്ഥാനുവേണ്ടി യുധ്വിര്‍ സിങ് മൂന്ന് വിക്കറ്റ് വീഴ്ത്തി തിളങ്ങി. മത്സര ഫലം പ്ലേ ഓഫിലേക്ക് സ്വാധീനിക്കില്ലെന്നത് മറന്നുകൊണ്ടുള്ള ഫൈറ്റിംഗ് സ്പിരിറ്റാണ് ഇരുടീമുകളും കാണിച്ചതെന്ന് ക്രിക്കറ്റ് നിരീക്ഷകര്‍ വിലയിരുത്തുന്നു.
