ബാലികയെ പീഡിപ്പിച്ച യുവാവ് കോടതിയിൽ കീഴടങ്ങി; പിടിയിലായത് പാലക്കാട് സ്വദേശി വിനീഷ്

മലപ്പുറം: മങ്കടയിൽ 12-കാരിയെ പീഡിപ്പിച്ച കേസിൽ ഒളിവിലായിരുന്ന പ്രതി മഞ്ചേരി പോക്‌സോ സ്‌പെഷ്യൽ കോടതിയിൽ കീഴടങ്ങി. പാലക്കാട് ചെർപ്പുളശ്ശേരി ചളവറ ചിറയിൽ വിനീഷ് (33) ആണ് മഞ്ചേരി പോക്‌സോ സ്‌പെഷ്യൽ കോടതിയിൽ ഹാജരായത്.

2019 ജനുവരി ഒന്നുമുതൽ 2021 ജൂൺ 30വരെ ആനമങ്ങാട്ടെയും വള്ളിക്കാപ്പറ്റയിലെയും വാടകവീടുകളിൽ വച്ച് പലതവണ പീഡിപ്പിച്ചെന്നാണ് കേസ്. ഒക്ടോബർ 19നാണ് പെൺകുട്ടി പൊലീസിൽ പരാതി നൽകിയത്. പ്രതിക്ക് ഒത്താശ ചെയ്തുനൽകിയതിന് പെൺകുട്ടിയുടെ മാതാവിനെ 20ന് പൊലീസ് അറസ്റ്റ് ചെയ്തിരുന്നു.