ലഹരിക്കെതിരെബോധവല്‍ക്കരണവുമായി കാത്തലിക് എഞ്ചിനിയറിംഗ് കോളജ് മാനേജ്മെന്റ്സ് അസോസിയേഷന്‍
കൊച്ചി: കേരള സമൂഹത്തില്‍ അതീവ ഗുരുതരമായ സാമൂഹ്യ പ്രതിസന്ധി സൃഷ്ടിച്ച് പുതുതലമുറയെ വഴിതെറ്റിക്കുന്ന ലഹരിക്കെതിരെ സംസ്ഥാനത്തുടനീളം ബോധവല്‍ക്കരണ പരിപാടികള്‍ സംഘടിപ്പിക്കുവാന്‍ പദ്ധതികളുമായി കേരള കാത്തലിക് എഞ്ചിനീയറിംഗ് കോളജ് മാനേജ്മെന്റ്സ് അസോസിയേഷന്‍.
കേരളത്തിലൊഴുകുന്ന ലഹരിയുടെ ഉറവിടം കണ്ടെത്തുവാനും നിരോധനങ്ങള്‍ ഏര്‍പ്പെടുത്തുവാനും നിയമലംഘകര്‍ക്കെതിരെ കര്‍ശന നടപടികളെടുക്കുവാനും ഭരണസംവിധാനങ്ങള്‍ക്കാകണം. ലഹരിയുടെ ഉപയോഗം സൃഷ്ടിക്കുന്ന അതിമാരകമായ ജീവിത പ്രതിസന്ധികളെയും സാമൂഹ്യ തകര്‍ച്ചകളെയും കുറിച്ച് വിവിധങ്ങളായ ബോധവല്‍ക്കരണ പരിപാടികള്‍ കേരള കാത്തലിക് എഞ്ചിനിയറിംഗ് കോളജ് മാനേജ്മെന്റ് അസോസിയേഷന്റെ നേതൃത്വത്തില്‍ സംഘടിപ്പിക്കും. അദ്ധ്യാപകരും വിദ്യാര്‍ത്ഥികളും വിവിധ സാംസ്‌കാരിക യുവജനസംഘടനകളും പങ്കുചേരും. കേരളത്തിലെ 14 കേന്ദ്രങ്ങളില്‍ ആയിരക്കണക്കിന് വിദ്യാര്‍ത്ഥികള്‍ പങ്കെടുക്കുന്ന ലഹരിവിരുദ്ധ പ്രതിജ്ഞാ അസംബ്ലികളും സംഘടിപ്പിക്കുന്നതാണ്.
സമ്മേളനത്തില്‍ കേരള കാത്തലിക് എഞ്ചിനിയറിംഗ് കോളജ് മാനേജ്മെന്റ്സ് അസോസിയേഷന്‍ പ്രസിഡന്റ് ഫാ. ജോണ്‍ വര്‍ഗീസ് അദ്ധ്യക്ഷത വഹിച്ചു. സെക്രട്ടറി റവ.ഡോ.ജോസ് കുറിയേടത്ത് ആമുഖപ്രഭാഷണവും എക്സിക്യൂട്ടീവ് സെക്രട്ടറി ഷെവലിയര്‍ അഡ്വ.വി.സി.സെബാസ്റ്റ്യന്‍ വിഷയാവതരണവും നടത്തി.
റവ.ഡോ. ജോസഫ് തടത്തില്‍, റവ.ഡോ.ജോസഫ് മലേപ്പറമ്പില്‍, ഫാ. ബോബി അലക്സ് മണ്ണംപ്ലാക്കല്‍, ഫാ.ജെയിംസ് ചെല്ലങ്കോട്ട്, ഫാ. ആന്റണി അറയ്ക്കല്‍, ഫാ. റോയി വടക്കന്‍, ഫാ. റോയി പഴേപറമ്പില്‍, ഫാ. പോള്‍ പറത്താഴം, റവ.ഡോ.ജോസ് കണ്ണമ്പുഴ, ഫാ. ബെഞ്ചമിന്‍ പള്ളിയാടിയില്‍, ഫാ. ജസ്റ്റിന്‍ ആലുക്കല്‍, ഫാ. ജോണ്‍ പാലിയക്കര, ഫാ. മാത്യു കോരംകുഴ, ഫാ. ഡേവിഡ് നെറ്റിക്കാടന്‍, ഫാ. ബിജോയ് അറയ്ക്കല്‍, ഫാ. എ.ആര്‍.ജോണ്‍, ഫാ. ആന്റോ ചുങ്കത്ത്, ഫാ. ജെയിംസ് ജോണ്‍ മംഗലത്ത് എന്നിവര്‍ സംസാരിച്ചു.