കുറവിലങ്ങാട് അസോസിയേഷന്‍ ഓഫ് ഗ്രേറ്റര്‍ ഹൂസ്റ്റണ്‍ ഉദ്ഘാടനം അതിഗംഭീരമായി നടത്തപ്പെട്ടു
ഹൂസ്റ്റണ്‍: അമേരിക്കയിലെ ടെക്‌സസ് സ്റ്റേറ്റിലെ ഹൂസ്റ്റണിലും പരിസര പ്രദേശങ്ങളിലുമുള്ള കുറവിലങ്ങാട് നിവാസികള്‍ ഒത്തുചേര്‍ന്ന് രൂപം നല്‍കിയിട്ടുള്ള കുറവിലങ്ങാട് അസോസിയേഷന്‍ ഓഫ് ഗ്രേറ്റര്‍ ഹൂസ്റ്റണ്‍ എന്ന സംഘടനയുടെ ഔദ്യോഗിക ഉദ്ഘാടനം ജനുവരി 26നു ഡിസ്ട്രിക്ട് ജഡ്ജ്സുരേന്ദ്രന്‍ പട്ടേല്‍ നിര്‍വഹിച്ചു. പ്രസിഡണ്ട് ഷാജി ജോസിന്റെ അദ്ധ്യക്ഷതയില്‍ നടന്ന ചടങ്ങില്‍ സെക്രട്ടറി ടാസ്മോന്‍ ജോസ്സഫ് സ്വാഗതം അര്‍പ്പിച്ചു.
സ്റ്റാഫോഡ് സിറ്റി മേയര്‍ . കെന്‍ മാത്യു ലോഗോ പ്രകാശനം നടത്തി. ബഹു. ഫാ. ജോസഫ് പൊറ്റമ്മേല്‍ ആശംസകള്‍ അര്‍പ്പിച്ച ചടങ്ങില്‍ കുറവിലങ്ങാട്ടെ കലാ -സാംസ്‌കാരിക നേതാക്കളുടെ ആശംസാ വീഡിയോ പ്രദര്‍ശനവും നടത്തപ്പെട്ടു. കുറവിലങ്ങാട് നിവാസികള്‍ക്ക് അഭിമാനിക്കുവാനും സന്തോഷിക്കുവാനുമുള്ള ഒരു പ്രസ്ഥാനത്തിന്റെ പിറവിയാണിതെന്ന് മുഖ്യാതിഥികള്‍ അഭിപ്രായപ്പെട്ടു.
സണ്ണി ടോം മുഖ്യ അതിഥികള്‍ക്കും എത്തിച്ചേര്‍ന്ന മെമ്പേഴ്‌സിനും നന്ദി രേഖപ്പെടുത്തി. തുടര്‍ന്ന് വിവിധ കലാപരിപാടികളും ഡിന്നറും നടത്തി.