പ്രതിസന്ധികളില്‍ തളരാന്‍ പാടില്ലെന്ന സന്ദേശമാണ് കെ ആര്‍ നാരായണന്റെ ജീവിതം: മോന്‍സ് ജോസഫ്
പാലാ: പ്രതിസന്ധികളില്‍ തളരാന്‍ പാടില്ലെന്ന സന്ദേശമാണ് മുന്‍ രാഷ്ട്രപതി കെ ആര്‍ നാരായണന്‍ തന്റെ ജീവിതത്തിലൂടെ പകര്‍ന്നു നല്‍കിയതെന്നു മോന്‍സ് ജോസഫ് എം എല്‍ എ പറഞ്ഞു. കെ ആര്‍ നാരായണന്റെ നൂറ്റിനാലാമത് ജന്മവാര്‍ഷികദിനത്തോടനുബന്ധിച്ചു കെ ആര്‍ നാരായണന്‍ ഫൗണ്ടേഷന്‍ സംഘടിപ്പിച്ച സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കെ ആര്‍ നാരായണന്റെ ജീവിതം യുവാക്കളെ പ്രചോദിപ്പിക്കുമെന്നും മോന്‍സ് ജോസഫ് ചൂണ്ടിക്കാട്ടി. സമാനതകളില്ലാത്ത അതിജീവനമാണ് കെ ആര്‍ നാരായണന്റെ ജീവിതം. കെ ആര്‍ നാരായണന്റെ ജീവചരിത്രം പാഠ്യപദ്ധതിയില്‍ ഉള്‍പ്പെടുത്തണമെന്നും അദ്ദേഹം നിര്‍ദ്ദേശിച്ചു.
ഫൗണ്ടേഷന്‍ ചെയര്‍മാന്‍ എബി ജെ ജോസ് അധ്യക്ഷത വഹിച്ചു. സംസ്ഥാന ബാലസാഹിത്യ ഇന്‍സ്റ്റിറ്റ്യൂട്ട് ഭരണസമിതി അംഗം സിജിത അനില്‍, സാംജി പഴേപറമ്പില്‍, അഡ്വ സന്തോഷ് മണര്‍കാട്, സെബി പറമുണ്ട, റോയി ജേക്കബ്, ജോബി മാത്യു, വിഷ്ണു കെ ആര്‍ എന്നിവര്‍ പ്രസംഗിച്ചു