ദേശീയ യുവജനോത്സവം : സംസ്‌കൃതസര്‍വ്വകലാശാല ഡാന്‍സ് ഇനങ്ങളില്‍ ഓവറോള്‍ ട്രോഫി നേടി
By : സ്വന്തം ലേഖകൻ
Update: 2025-03-08 14:27 GMT
മാര്‍ച്ച് മൂന്ന് മുതല്‍ ഏഴ് വരെ അമിറ്റി സര്‍വ്വകലാശാലയുടെ നോയിഡ ക്യാമ്പസില്‍ നടന്ന ദേശീയ യുവജനോത്സവത്തില്‍ ശ്രീശങ്കരാചാര്യ സംസ്‌കൃതസര്‍വ്വകലാശാല ഡാന്‍സ് ഇനങ്ങളില്‍ ഓവറോള്‍ ട്രോഫി നേടി. ക്ലാസിക്കല്‍ ഡാന്‍സിലും നാടോടി നൃത്തം /ട്രൈബല്‍ വിഭാഗത്തിലും മൈമിലും സര്‍വ്വകലാശാല ടീം ഒന്നാം സ്ഥാനം നേടി. സ്‌പോട്ട് പെയിന്റിംഗില്‍ രണ്ടാം സ്ഥാനവും സ്‌കിറ്റിലും കാര്‍ട്ടൂണിംഗിലും മൂന്നാം സ്ഥാനവും നേടി. വിജയികളെ വൈസ് ചാന്‍സലര്‍ പ്രൊഫ. കെ. കെ. ഗീതാകുമാരി അനുമോദിച്ചു.