എസ്.ഡി.പി.ഐ ദേശീയ അധ്യക്ഷന്‍ എം.കെ ഫൈസിയുടെ അറസ്റ്റ്; ഹിന്ദുത്വ ഭരണകൂട വേട്ടയുടെ തുടര്‍ച്ച - സോളിഡാരിറ്റി
കോഴിക്കോട് : എസ്.ഡി.പി.ഐ ദേശീയ അധ്യക്ഷന്‍ എം.കെ ഫൈസിയുടെ അറസ്റ്റ് ഹിന്ദുത്വഭരണകൂട വേട്ടയുടെ തുടര്‍ച്ചയാണെന്ന് സോളിഡാരിറ്റി സംസ്ഥാന സെക്രട്ടേറിയറ്റ്.രാഷ്ട്രീയ എതിരാളികളെ അധികാര ദുര്‍വിനിയോഗത്തിലൂടെ ഉന്‍മൂലനം ചെയ്യുന്ന ഫാസിസ്റ്റ് നടപടികളുടെ തുടര്‍ച്ചയാണിത്.
കേന്ദ്ര അന്വേഷണ ഏജന്‍സികളായ ഇ.ഡി, സി.ബി.ഐ തുടങ്ങിയവ ഉപയോഗിച്ച് ഭരണകൂട വിമര്‍ശനം ഉന്നയിക്കുന്നവരെ നിശബ്ദമാക്കാനാണ് ബി.ജെ.പി ശ്രമിക്കുന്നത്. കോടിക്കണക്കിന് രൂപയുടെ അഴിമതി ആരോപണം നേരിട്ടിട്ടും ബി.ജെ.പി നേതാക്കള്‍ക്കെതിരെ ഇ.ഡി കൈയും കെട്ടി നോക്കി നില്‍ക്കുകയായിരുന്നു. മുസ്ലിം പശ്ചാതലത്തില്‍ നിന്നുള്ള സംഘടനകളെ വേട്ടയാടുമ്പോള്‍ പൊതു സമൂഹം പുലര്‍ത്തുന്ന നിശബ്ദത ഇസ്ലാമോഫോബിയയുടെ ഭാഗം തന്നെയാണ്.
ഭരണകൂടവും രാജ്യവും രണ്ടാണെന്ന് തന്നെ തിരിച്ചറിഞ്ഞ്അവശേഷിക്കുന്ന വിയോജന സ്വരങ്ങളെ പോലും നിശ്ശബ്ദമാക്കാനുള്ള കേന്ദ്ര സര്‍ക്കാര്‍ ശ്രമങ്ങളെ ചെറുത്തു തോല്‍പ്പിക്കേണ്ടതുണ്ട്.സംസ്ഥാന പ്രസിഡന്റ് തൗഫീഖ് മമ്പാട്, ജനറല്‍ സെക്രട്ടറി ടി. ഇസ്മായില്‍, സെക്രട്ടറിരായ ശബീര്‍ കൊടുവള്ളി, ഡോ. എ.കെ സഫീര്‍, വി.പി റശാദ്, ടി.എ ബിനാസ് എന്നിവര്‍ സംസാരിച്ചു.