ശ്രീശങ്കര കപ്പ് വോളിബോള്‍ ടൂര്‍ണമെന്റ് :സെന്റ് ജോര്‍ജ് കോളേജ് അരുവിത്തറ ജേതാക്കള്‍

ശ്രീശങ്കരാചാര്യ സംസ്‌കൃത സര്‍വ്വകലാശാലയിലെ കായിക വിദ്യാഭ്യാസ വിഭാഗത്തിന്റെ ആഭിമുഖ്യത്തില്‍ കാലടി മുഖ്യക്യാമ്പസില്‍ സംഘടിപ്പിച്ച ശ്രീശങ്കര കപ്പിന് വേണ്ടിയുള്ള ഓള്‍ കേരള ഇന്റര്‍കോളേജിയേറ്റ് വോളിബോള്‍ ടൂര്‍ണമെന്റില്‍ സെന്റ് ജോര്‍ജ് കോളേജ് അരുവിത്തറ ജേതാക്കളായി.

സി.എം. എസ്. കോളേജ്, കോട്ടയം രണ്ടാം സ്ഥാനം നേടി. വൈസ് ചാന്‍സലര്‍ പ്രൊഫ. കെ. കെ. ഗീതാകുമാരി സമ്മാനദാനം നിര്‍വ്വഹിച്ചു. കായിക വിദ്യാഭ്യാസ വിഭാഗം മേധാവി ഡോ. ദിനു എം. ആര്‍. അധ്യക്ഷനായിരുന്നു.