മറാത്തി സിനിമയില്‍ മലയാളി ഒരുക്കിയ ഗാനം സൂപ്പര്‍ ഹിറ്റിലേക്ക്; ചിത്രം 31 ന് റിലീസ് ചെയ്യും
മറാത്തി സിനിമയില്‍ മലയാളി ഒരുക്കിയ ഗാനം സൂപ്പര്‍ ഹിറ്റിലേക്ക്
കൊച്ചി: മറാത്തി സിനിമയ്ക്കായി മലയാളി ഒരുക്കിയ ഗാനം സോഷ്യല്‍ മീഡിയയില്‍ തരംഗമാകുന്നു. ലയണ്‍ഹാര്‍ട്ട് പ്രൊഡക്ഷന്‍സിന്റെ ബാനറില്‍ ക്രിസ്റ്റസ് സ്റ്റീഫന്‍ സംവിധാനം ചെയ്ത മറാത്തി സിനിമയായ 'തു മാസാ കിനാരാ' എന്ന സിനിമയിലെ 'മാസാതു കിനാരാ' എന്ന ഗാനമാണ് ഇപ്പോള്‍ വൈറലായിരിക്കുന്നത്. വര്‍ഷങ്ങളായി സംഗീതരംഗത്ത് പ്രവര്‍ത്തിക്കുന്ന ചിത്രത്തിന്റെ സംവിധായകന്‍ കുടിയായ ക്രിസ്റ്റസ് സ്റ്റീഫന്‍ സംഗീതം നല്‍കിയ ഗാനം കൂടിയാണ് ഇപ്പോള്‍ സംഗീതാസ്വാദകരുടെ ഹൃദയം കവര്‍ന്നിട്ടുള്ളത്. ഗാനം റിലീസ് ചെയ്ത് മണിക്കൂറുകള്‍ക്കുള്ളില്‍ സമൂഹമാധ്യമങ്ങളില്‍ ഹിറ്റായിരിക്കുകയാണ്.
ഗാനരചന സമൃദ്ധി പാണ്ടെയാണ്. സംഗീത നിര്‍മ്മാണം നിര്‍വഹിച്ചത് മണി അയ്യര്‍.സംഗീത മേല്‍നോട്ടം സന്തോഷ് നായര്‍.
മിക്‌സിംഗ് & മാസ്റ്ററിംഗ്: ബിജിന്‍ മാത്യു സ്റ്റുഡിയോ: വിസ്മയ ഇന്‍സ്പയര്‍ സോണ്‍ മുംബൈ. മറാത്തി ചലച്ചിത്ര രംഗത്ത് ആദ്യ മലയാളി നിര്‍മ്മാതാവ് ജോയ്‌സി പോള്‍ ജോയ്,' നിര്‍മ്മിക്കുന്ന ചിത്രമാണ് 'തു മാത്സാ കിനാരാ'. ഈ മാസം 31ന് സിനിമ തിയേറ്ററില്‍ റിലീസ് ചെയ്യും. മൂന്ന് പതിറ്റാണ്ടിലേറെയായി ചലച്ചിത്ര രംഗത്തും കലാരംഗത്തും സജീവമായി തുടരുന്ന 'ക്രിസ്റ്റസ് സ്റ്റീഫനാണ് 'ചിത്രം സംവിധാനം ചെയ്യത്. സഹനിര്‍മ്മാതാക്കളായ 'ജേക്കബ് സേവ്യര്‍, സിബി ജോസഫ്' എന്നിവരും മുംബൈയിലെ മലയാളികള്‍ക്കിടയിലെ സുപരിചിതരും സാംസ്‌ക്കാരിക സംഘടനകളിലെ പ്രവര്‍ത്തകരുമാണ്. മലയാളികളുടെ കൂട്ടായ്മയിലൊരുങ്ങുന്ന മറാത്തി ചിത്രം കൂടിയാണ് 'തു മാത്സാ കിനാരാ' കണ്ണീരും പുഞ്ചിരിയും നിറഞ്ഞ ഒരു അച്ഛന്റെയും അപകടത്തിലൂടെ ബധിരയും മൂകയുമായ മകളുടെയും ജീവിത യാത്രയാണ് ഈ ചിത്രം പറയുന്നത്. സ്വാര്‍ത്ഥതയോടെ ജീവിച്ച ഒരാളുടെ ഹൃദയത്തെ ഒരു കുട്ടിയുടെ നിര്‍മ്മലമായ സ്‌നേഹം അയാളുടെ ജീവിതത്തെ എങ്ങനെ മാറ്റിമറിച്ചു എന്നാണ് സിനിമ ചൂണ്ടികാട്ടുന്നത്. മനുഷ്യബന്ധങ്ങളുടെ വൈകാരിക മുഹൂര്‍ത്തങ്ങളിലൂടെ കടന്നു പോകുന്ന 'തു മാത്സാ കിനാരാ' ഒരു ഫീച്ചര്‍ സിനിമയാണ്. കുടുംബ പ്രേക്ഷകരെയടക്കം എല്ലാവരെയും പ്രചോദിപ്പിക്കുന്നതാണ് ഈ സിനിമയെന്ന് ക്രിസ്റ്റസ് സ്റ്റീഫന്‍ വ്യക്തമാക്കി.
മലയാളം, സംസ്‌കൃതം, മാറാത്തി തുടങ്ങിയ ഭാഷകളിലായി 13 സിനിമകള്‍ക്ക് ക്യാമറ ചലിപ്പിച്ച ക്യാമറമാന്‍ 'എല്‍ദോ ഐസ ക്കാ'ണ് ഈ ചിത്രത്തിലെ ക്യാമറ കൈകാര്യം ചെയ്യുന്നത്
ബാനര്‍ - ലയണ്‍ഹാര്‍ട്ട്‌പ്രൊഡക്ഷന്‍സ്
അഭിനേതാക്കള്‍ - ഭൂഷന്‍ പ്രധാന്‍, കേതകി നാരായണന്‍, കേയ ഇന്‍ഗ്ലെ, പ്രണവ് റാവൊറാണെ, അരുണ്‍ നലവടെ ,ജയരാജ് നായര്‍.
ക്യാമറ: എല്‍ദോ ഐസക് കാര്യനിര്‍വാഹക നിര്‍മ്മാതാവ് :ശ്രീ. സദാനന്ദ് ടെംബൂള്കര്‍
ചീഫ് അസിസ്റ്റന്റ് ഡയറക്ടര്‍: വിശാല്‍ സുഭാഷ് നണ്ട്‌ലാജ്കര്‍
അസിസ്റ്റന്റ് ഡയറക്ടര്‍: മൗഷിന്‍ ചിറമേല്‍
സംഗീതം: സന്തോഷ് നായര്‍ & ക്രിസ്റ്റസ് സ്റ്റീഫന്‍
മ്യൂസിക് അസിസ്റ്റ്- അലന്‍ തോമസ്
ഗാനരചയിതാവ് -സമൃദ്ധി പാണ്ഡെ
പശ്ചാത്തല സംഗീതം; ജോര്‍ജ് ജോസഫ്
മിക്‌സ് & മാസ്റ്റര്‍: ബിജിന്‍ മാത്യു
സൗണ്ട് ഡിസൈനറും മിക്സറും-
അഭിജിത് ശ്രീറാം ഡിയോ.
ഗായകര്‍ - അഭയ് ജോധ്പൂര്‍കര്‍,
ഷരയു ദാത്തെ,സായിറാം അയ്യര്‍,
ശര്‍വാരി ഗോഖ്‌ലെ ,അനീഷ് മാത്യു
ഡി ഐ -കളറിസ്റ്റ്:ഭൂഷണ്‍ ദല്‍വി.
എഡിറ്റര്‍-സുബോധ് നര്‍ക്കര്‍,
വസ്ത്രാലങ്കാരം-ദര്‍ശന ചൗധരി കലാസംവിധായകന്‍ -അനില്‍ എം. കേദാര്‍
വിഷ്വല്‍ പ്രമോഷന്‍ -നരേന്ദ്ര സോളങ്കി
വിതരണം - റിലീസ് ചുമതലയുള്ള എക്‌സിക്യൂട്ടീവ് -ഫിബിന്‍ വര്‍ഗീസ് .
ഡിജിറ്റല്‍ മാര്‍ക്കറ്റിംഗ്- മീഡിയ വണ്‍സൊല്യൂഷന്‍
ജയ്മിന്‍ ഷിഗ്വാന്‍
പബ്ലിക് റിലേഷന്‍ : അമേയ് ആംബര്‍കര്‍ (പ്രഥം ബ്രാന്‍ഡിംഗ്)
പി.ആര്‍ ഒ - പി ആര്‍.സുമേരന്‍.