'സ്വപ്‌നത്തിലും ഞാൻ ഓർക്കുന്നത്.. കണ്ടുപിടിക്കണം, കൊല്ലണം'; ഹണി റോസിന്റെ റിവ‌ഞ്ച് ത്രില്ലർ; 'റേച്ചല്‍' തീയേറ്ററുകളിലേക്ക്; അനൗൺസ്മെന്‍റ് പോസ്റ്റർ പുറത്ത്; ചിത്രം അഞ്ച് ഭാഷകളിൽ പ്രേക്ഷകർക്ക് മുന്നിലേക്ക്
കൊച്ചി: മലയാളം, തെലുങ്ക്, തമിഴ് ഇൻഡസ്ട്രികളിൽ ജനപ്രീതി പിടിച്ചു പറ്റിയ താരമാണ് ഹണി റോസ്. രണ്ട് പതിറ്റാണ്ടായി സിനിമാ മേഖലയിൽ ചെറുതും വലുതുമായി നിരവധി വേഷങ്ങളിലൂടെ സജീവമാണ് താരം. പ്രഖ്യാപനമെത്തിയത് മുതൽ വലിയ ആകാംഷ സൃഷ്‌ടിച്ച ചിത്രമാണ് ഹണി റോസ് പ്രധാന വേഷത്തിലെത്തുന്ന 'റേച്ചല്‍'. തന്റെ കരിയറിലെ ഏറെ വ്യത്യസ്തമായ വേഷത്തിലെത്തുന്ന ചിത്രം വലിയ പ്രതീക്ഷയോടെയാണ് പ്രേക്ഷകർക്ക് മുന്നിലെത്തുന്നത്.
ഇപ്പോഴിയതാ ചിത്രത്തിന്റെ പുതിയ അപ്ഡേറ്റ് പുറത്ത് വിട്ടിരിക്കുകയാണ് അണിയറ പ്രവർത്തകർ. ചിത്രത്തിന്റെ റിലീസ് അനൗൺസ്മെന്‍റ് പോസ്റ്റർ പുറത്ത് വിട്ടിരിക്കുകയാണ്. അടുത്ത വർഷമാണ് സിനിമയുടെ റിലീസ്. ജനുവരി 10ന് അഞ്ച് ഭാഷകളിലായി ചിത്രം പുറത്തിറങ്ങും. മലയാളത്തിലെ ശ്രദ്ധേയ സംവിധായകനായ എബ്രിഡ് ഷൈന്‍ സഹനിര്‍മ്മാതാവും സഹ രചയിതാവുമാകുന്ന ചിത്രം സംവിധാനം ചെയ്തിരിക്കുന്നത് നവാഗതനായ ആനന്ദിനി ബാലയാണ്.
മലയാളം കൂടാതെ കന്നഡ, തെലുങ്ക്, തമിഴ്, ഹിന്ദി ഭാഷകളിലും ചിത്രം പുറത്തിറങ്ങുന്നുണ്ട്. ഒരു റിവ‌ഞ്ച് ത്രില്ലറായാണ് ചിത്രം ഒരുങ്ങുന്നത്. ബാബുരാജ്‌, കലാഭവന്‍ ഷാജോണ്‍, റോഷന്‍ ബഷീര്‍, ചന്തു സലിംകുമാര്‍, രാധിക രാധാകൃഷ്ണന്‍, ജാഫര്‍ ഇടുക്കി, വിനീത് തട്ടില്‍, ജോജി, ദിനേശ് പ്രഭാകര്‍, പോളി വത്സൻ, വന്ദിത മനോഹരന്‍ തുടങ്ങി വലിയൊരു താരനിരയും ചിത്രത്തില്‍ പ്രധാന വേഷങ്ങളില്‍ എത്തുന്നുണ്ട്.
ബാദുഷ പ്രൊഡക്ഷൻസിന്‍റെ ബാനറില്‍ എൻ എം ബാദുഷയും രാജന്‍ ചിറയിലും എബ്രിഡ് ഷൈനും ചേര്‍ന്നാണ് ചിത്രം നിർമ്മിക്കുന്നത്. രാഹുൽ മണപ്പാട്ടിന്‍റെ കഥയ്ക്ക് രാഹുൽ മണപ്പാട്ടും എബ്രിഡ് ഷൈനും ചേർന്ന് തിരക്കഥയൊരുക്കുന്നു. ദേശീയ സംസ്ഥാന ചലച്ചിത്ര അവാർഡ് ജേതാക്കളായ പ്രഗത്ഭർ റേച്ചലിന്‍റെ സാങ്കേതികമേഖലയിൽ അണിനിരക്കുന്നുണ്ട്. സ്വരൂപ് ഫിലിപ്പ് ഛായാഗ്രഹണം നിർവഹിക്കുന്ന ചിത്രത്തിന്റെ എഡിറ്റിംഗ് മനോജ് ആണ്. ഇഷാൻ ഛബ്രയാണ് ചിത്രത്തിന്റെ സംഗീതം, പശ്ചാത്തലസംഗീതം എന്നിവ ഒരുക്കിയിരിക്കുന്നത്.
പ്രൊഡക്ഷൻ ഡിസൈനർ സുജിത്ത് രാഘവ്, സൗണ്ട് ഡിസൈൻ ശ്രീ ശങ്കർ, സൗണ്ട് മിക്സ് രാജകൃഷ്ണൻ എം ആർ, എക്സിക്യൂട്ടീവ് പ്രൊഡ്യൂസേഴ്സ് മഞ്ജു ബാദുഷ, ഷെമി ബഷീര്‍, ഷൈമാ മുഹമ്മദ്‌ ബഷീര്‍, ചീഫ് അസോസിയേറ്റ് ഡയറക്ടർ രതീഷ് പാലോട്, സംഘട്ടനം രാജശേഖർ, മാഫിയ ശശി, പി സി സ്റ്റണ്ട്സ്, മേക്കപ്പ് രതീഷ് വിജയൻ, കോസ്റ്റ്യൂംസ് ജാക്കി, കോ പ്രൊഡ്യൂസർ ഹന്നാൻ മരമുട്ടം, ലൈൻ പ്രൊഡ്യൂസർ പ്രിജിൻ ജെ പി.
ഫിനാൻസ് കൺട്രോളേഴ്സ് ഷിജോ ഡൊമിനിക്, റോബിൻ അഗസ്റ്റിൻ, പ്രോജക്ട് കോർഡിനേറ്റർ പ്രിയദർശിനി പി.എം, പ്രൊഡക്ഷൻ കൺട്രോളർ പ്രവീൺ ബി മേനോൻ, പ്രൊഡക്ഷൻ എക്സിക്യൂട്ടീവ് സക്കീർ ഹുസൈൻ, വിതരണം ബിഗ്‌ ഡ്രീംസ്, പബ്ലിസിറ്റി ഡിസൈൻ ടെന്‍ പോയിൻ്റ്, സ്റ്റിൽസ് നിദാദ് കെ എൻ, ഡിജിറ്റൽ മാർക്കറ്റിങ് ഒബ്സ്ക്യൂറ എന്‍റർടെയ്ൻമെന്‍റ്, പിആര്‍ഒ എ എസ് ദിനേശ്, ആതിര ദിൽജിത്ത്.